11 تامىز, 14:22 438 0 نۇر وتان انار لەپەسوۆا

«Nur Otan» جاڭاقورعاندىقتاردى اۋىز سۋمەن قامتۋ ماسەلەسىن باقىلاۋعا الدى

قىزىلوردا وبلىسى جاڭاقورعان اۋدانى، بايكەنجە اۋىلى تۇرعىندارىنىڭ وركەنيەتتى قوعامنىڭ قاراپايىم يگىلىگى تازا اۋىز سۋ تاپشىلىعىنىڭ زاردابىن تارتقانىنا بىرنەشە جىلدىڭ ءجۇزى بولدى. امالى تاۋسىلعان حالىق الەۋمەتتىك جەلى ارقىلى «Nur Otan» پارتياسىنا ارىزداندى.

جۇرتتى تولعاندىرعان ماسەلە مەمورگاندار وكىلدەرىمەن بىرگە وتكەن پارتيانىڭ وبلىستىق باقىلاۋ كوميسسياسىنىڭ وتىرىسىندا قارالدى. وسىعان وراي، سالىنىپ جاتقان «ارال» بىرلەسكەن كاسىپورنى ديرەكتسياسىنىڭ ديرەكتورى التىنبەك ەسەنوۆ جاڭاقورعان اۋدانىنداعى سۋ قۇبىرى قۇرىلىسىنىڭ اياقتالعانىن اتاپ ءوتتى. الايدا، نەگىزگى باستوعان  اعىمداعى جىلدىڭ جەلتوقسانىندا عانا ىسكە قوسىلاتىندىقتان ءدال قازىرگى ۋاقىتتا سۋ بەرۋ مۇمكىندىگى جوق.

پارتيالىق باقىلاۋ كوميسسياسى سۋ قۇبىرى قوسىلعانعا، ياعني، اعىمداعى جىلدىڭ 20 تامىزىنا دەيىن تۇرعىنداردى سۋ تاسيتىن كولىكتەرمەن بولسا دا ۋاقىتشا تازا اۋىز سۋمەن قامتاماسىز ەتۋگە بايلانىستى اۋداندىق اكىمشىلىككە تاپسىرما بەردى.بۇل ماسەلە پارتيانىڭ وبلىستىق فيليالىنىڭ ەرەكشە باقىلاۋىنا الىندى.

سوڭعى جاڭالىقتار