11 تامىز, 10:21 532 0 ەكونوميكا انار لەپەسوۆا

ەلىمىزدىڭ جالپى ىشكى ءونىمى 2,9 پايىزعا تومەندەدى

2020 جىلعى قاڭتار-شىلدە ايلارىنىڭ قورىتىندىسى بويىنشا ەلىمىزدە تاۋارلار ءوندىرىسى 2,1 پايىزعا وسكەن، ال كورسەتىلەتىن قىزمەتتەر 6,2 پايىزعا قىسقارعان. ناتيجەسىندە جالپى ىشكى ءونىم 2,9 پايىزعا تومەندەدى. بۇل تۋرالى ۇكىمەت وتىرىسىندا ۇلتتىق ەكونوميكا ءمينيسترى رۋسلان دالەنوۆ ايتتى. 

جىلدىق ينفلياتسيا 7,1 پايىزدى قۇراعان. الايدا ءمينيستردىڭ سوزىنشە، بۇل ەسكەرىلگەن ينفلياتسيا دالىزىنەن تومەن (8-8,5%).

رۋسلان دالەنوۆ ەكونوميكانىڭ ناقتى سەكتورىندا ءوسىم جالعاسىپ جاتقانىن ايتتى. اتاپ ايتقاندا، قۇرىلىس، وڭدەۋ ونەركاسىبى جانە اۋىل شارۋاشىلىعى سالالارىنىڭ تابىسى ارتقان.

«يمپورتتىڭ تومەندەۋى اياسىندا وڭ ساۋدا بالانسى ساقتالۋدا. سونىمەن قاتار، كارانتيندىك شەكتەۋلەرگە بايلانىستى سەرۆيستىك قىزمەتتەر كولەمىنىڭ قىسقارۋى، سونداي-اق مۇناي ءوندىرۋ قارقىنىنىڭ جوسپارلى تومەندەۋى بايقالادى. بۇل ەكونوميكانىڭ ءوسۋىن تەجەۋشى فاكتورى بولدى»، - دەدى مينيستر.

مينيسترلىك مالىمەتىنشە، وندىرىستىك سەكتوردا 2,1 پايىزعا ءوسىم بايقالادى، ونىڭ ىشىندە قۇرىلىستا – 6,3, وڭدەۋ ونەركاسىبىندە – 3,8, اۋىل شارۋاشىلىعىندا – 2,5 پايىزعا.

سونىمەن بىرگە، قىزمەتتەر سەكتورى سالالارىندا، ونىڭ ىشىندە جىلجىمايتىن مۇلىكپەن جاسالاتىن وپەراتسيالار – 4,3 پايىزدىق، اكىمشىلىك قىزمەتتەردى كورسەتۋ – 5,3, ساۋدا – 11,9 جانە كولىك قىزمەتتەرى 15,6 پايىزدىق تومەندەۋ كورسەتتى. ال بايلانىس قىزمەتتەرى 8,7 پايىزعا ارتتى.

سوڭعى جاڭالىقتار