10 تامىز, 19:16 445 0 قوعام انار لەپەسوۆا

قوستاناي وبلىسىندا كارانتين جەڭىلدەتىلدى

بۇگىننەن باستاپ قوستاناي وبلىسىندا شەكتەۋ شارالارى جەڭىلدەتىلدى.

شۇعىل شتابتىڭ شەشىمىنە سايكەس، بۇگىننەن باستاپ 500 شارشى مەترگە دەيىنگى ازىق-تۇلىك ەمەس دۇكەندەرى اشىلادى. ال ودان ۇلكەن ساۋدا ورىندارى  "كليەنتكە دەيىن جەتكىزۋ" فورماتىندا ىستەي بەرەدى، دەپ حابارلايدى Sputnik قازاقستان.

بۇدان بولەك، ساياباقتار جانە سول جەردە ورنالاسقان ساۋدا ورىندارى اشىلادى. بىراق اتتراكتسيوندار مەن بالالار الاڭى، باتۋتتار، ۆەلوسيپەد جانە بالالار ويىنشىقتارىن جالعا بەرۋ قىزمەتى جۇمىس ىستەمەيدى.

ال ساياباق اۋماعىنا ءبىر ءۇيدىڭ ادامدارى بولماسا، ءۇش ادامنان ارتىق توپتاسىپ كىرۋگە بولمايدى. ادامدار اراسىنداعى اراقاشىقتىق ساقتالۋى ءتيىس.

قالاداعى قوعامدىق كولىك تاڭعى ساعات 06:00 مەن كەشكى ساعات 21:00 اراسىندا جۇرەدى.

ايتا كەتەيىك، بۇعان دەيىن الماتى مەن قاراعاندى وبلىسىندا كارانتين شارالارى جەڭىلدەتىلگەن بولاتىن. ال اقمولا وبلىسى بويىنشا بۋراباي مەن زەرەندىدە سۋعا تۇسۋگە رۇقسات بەرىلدى.

 

سوڭعى جاڭالىقتار