10 تامىز, 17:32 393 0 دەنساۋلىق انار لەپەسوۆا

تالدىقورعاندا ەكى پروۆيزورلىق ورتالىق جابىلدى

سۋرەت ينتەرنەتتەن الىندى
سۋرەت ينتەرنەتتەن الىندى

تالدىقورعاندا كوروناۆيرۋس جۇقتىرعان ناۋقاستاردى ەمدەۋ ءۇشىن اشىلعان ەكى پروۆيزورلىق ورتالىق جابىلدى. بۇل تۋرالى وبلىستىق دەنساۋلىق ساقتاۋ باسقارماسىنىڭ باسشىسى ومىرزاق نيازبەكوۆ مالىمدەدى.

«بۇگىننەن باستاپ تالدىقورعان قالاسىنداعى اسكەري گوسپيتالدا اشىلعان پروۆيزورلىق ورتالىق جابىلىپ، گوسپيتال قالىپتى جۇمىسىن باستادى. سونىمەن قاتار، وبلىستىق تەرى-ۆەنەرولوگيالىق ديسپانسەر دە جوسپارلى تۇردە ناۋقاستاردى قابىلداۋعا دايىن»،- دەدى باسقارما باسشىسى.

ومىرزاق نيازبەكوۆتىڭ ايتۋىنشا، وبلىستاعى ستاتسيونارلار جۇكتەمەسىنىڭ تومەندەۋىنە بايلانىستى ينفەكتسيالىق توسەك سانى 520-دان 490 ورىنعا، پروۆيزورلىق توسەك سانى 3560-تان 2541 ورىنعا دەيىن قىسقارتىلعان.

ىندەت تارالعالى وبلىستا بارلىعى 4704 ادام كوروناۆيرۋس جۇقتىرعان. ناۋقاستاردىڭ 4008-ءى ەمدەلىپ شىقتى. 26 ادام قايتىس بولدى.

ال رەسپۋبليكا بويىنشا قاتەرلى ۆيرۋستى جۇقتىرعاندار سانى 100 مىڭعا جۋىقتادى. 72523 ادام ىندەتتەن ايىقسا، 1058 ادام كوز جۇمدى.

سونداي-اق، 13280 ادام كوروناۆيرۋس بەلگىلەرى بار پنەۆمونياعا شالدىقتى. تامىزدىڭ باسىنان بەرى وكپە دەرتىنەن 161 ادام قايتىس بولدى.

بۇگىن دەنساۋلىق ساقتاۋ مينيسترلىگى كوروناۆيرۋستى جۇقتىرۋ ءوسىمى توقتاعانىن مالىمدەدى. مينيسترلىكتىڭ رەسمي وكىلى باعدات قوجاحمەتوۆتىڭ ايتۋىنشا, ەندىگى مىندەت – ىندەتتى جۇقتىرۋ مەن ءولىم-ءجىتىمدى توقتاتۋ.

سوڭعى جاڭالىقتار