10 تامىز, 16:27 1413 0 دەنساۋلىق انار لەپەسوۆا

ەلىمىزدە كوروناۆيرۋستى جۇقتىرۋ ءوسىمى توقتادى – دسم

قازاقستاندا كوروناۆيرۋستى جۇقتىرۋ ءوسىمى توقتادى. ورتالىق كوممۋنيكاتسيالار قىزمەتىندە وتكەن بريفينگتە دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ وسىنداي جاڭالىقپەن قۋانتتى.

«ەل بويىنشا جاعداي ايتارلىقتاي جاقساردى. اتقارۋشى بيلىك احۋالدى قاتاڭ باقىلاۋدا ۇستاپ وتىر. مەديتسينالىق قاۋىمداستىقتىڭ سانيتارلىق-ەپيدەميولوگيالىق قىزمەتى وزىنە جۇكتەلگەن مىندەتىن تولىق كولەمدە ورىنداپ جاتىر. وسىلايشا، ەلىمىز ەڭ كۇردەلى كەزەڭدى ارتتا قالدىردى دەسەك بولادى»، - دەدى رەسمي وكىل.

دەسە دە، ول قازاقستاندىقتاردى بوساڭسىماي، ىندەت تولىق اۋىزدىقتالعانشا ساقتىق شارالارىن ورىنداۋعا شاقىردى.

«بىراق جەتكەن جەتىستىككە قۋانىپ، بوساڭسۋعا بولمايدى. ەندىگى مىندەتىمىز – ىندەتتى جۇقتىرۋ مەن ءولىم-ءجىتىمدى توقتاتۋ. وسى رەتتە بارشا قازاقستاندىقتارعا سانيتارلىق ەرەجەلەردى ورىنداۋعا شاقىرامىن»، - دەدى ب. قوجاحمەتوۆ.

ايتا كەتەيىك، وتكەن تاۋلىكتە قازاقستاندا 741 ادامنان كوروناۆيرۋس انىقتالىپ، ىندەتكە شالدىققانداردىڭ جالپى سانى 100 مىڭعا جۋىقتادى. ىندەتتەن 72,5 مىڭ ادام ەمدەلىپ شىقتى. 1058 ادام قايتىس بولدى.

ال 13280 ادام كوروناۆيرۋس بەلگىلەرى بار پنەۆمونياعا شالدىقتى. تامىزدىڭ باسىنان بەرى وكپە دەرتىنەن 161 ادام كوز جۇمدى.

 

سوڭعى جاڭالىقتار