10 تامىز, 14:58 369 0 جاڭالىقتار انار لەپەسوۆا

اباي ەسكەرتكىشىنە گۇل شوقتارى قويىلدى

ابايدىڭ 175 جىلدىق مەرەيتويىنا وراي مەملەكەتتىك حاتشى قىرىمبەك كوشەرباەۆ باستاعان ءبىر توپ مەملەكەت جانە قوعام قايراتكەرى نۇر-سۇلتان قالاسىنداعى اباي ەسكەرتكىشىنە گۇل شوقتارىن قويدى.

شاراعا پرەزيدەنت اكىمشىلىگى باسشىسىنىڭ ورىنباسارى داۋرەن اباەۆ، پرەمەر-ءمينيستردىڭ ورىنباسارى ەرالى توعجانوۆ، مادەنيەت جانە سپورت ءمينيسترى اقتوتى رايىمقۇلوۆا، ەلوردا اكىمى التاي كولگىنوۆ، پرەزيدەنتتىڭ ءباسپاسوز حاتشىسى بەرىك ءۋالي جانە ءماجىلىس دەپۋتاتى ساۋىتبەك ابدىراحمانوۆ قاتىستى.

ەسكە سالا كەتەيىك، بۇگىن ەلىمىزدە العاش رەت اباي كۇنى اتاپ وتىلۋدە. ۇلى اقىن مەرەيتويىنا وراي رەسپۋبليكانىڭ تۇكپىر-تۇكپىرىندە 100-گە جۋىق شارا وتەدى.

اتاۋلى كۇنى Egemen Qazaqstan گازەتىندە پرەزيدەنت قاسىم-جومارت توقاەۆتىڭ  «اباي – رۋحاني رەفورماتور» اتتى ماقالاسى جارىق كوردى. مەملەكەت باسشىسى ءوز ماقالاسىندا اباي حالىقتى توي تويلاۋعا ەمەس، ەڭبەك ەتۋگە، رۋحاني كەمەلدەنۋگە شاقىرعانىن اتاپ ءوتتى.

سونداي-اق، پرەزيدەنت گۋمانيتارلىق پاندەردىڭ بولىنبەس بولشەگى رەتىندە «ابايتانۋ» كۋرسىن وقىتۋ، جاڭا فيلوسوفيالىق جانە ساياسي ۇستانىم تۇرعىسىنان «ابايتانۋ» وقۋلىعى مەن حرەستوماتياسىن ازىرلەۋ ماسەلەلەرىن كوتەردى.

سوڭعى جاڭالىقتار