10 تامىز, 13:42 557 0 جاھان انار لەپەسوۆا

بەلارۋستەگى سايلاۋ: لۋكاشەنكو 80 پايىزدان استام داۋىس جينادى

بەلارۋستە وتكەن پرەزيدەنت سايلاۋىنىڭ الدىن الا ناتيجەلەرى جاريالاندى، دەپ حابارلايدى بەلتا.

ەلدىڭ ورتالىق سايلاۋ كوميسسياسىنىڭ مالىمەتىنشە، قازىرگى پرەزيدەنت الەكساندر لۋكاشەنكو 80,23% داۋىس جيناعان. سايلاۋشىلاردىڭ 9,9%-ى سۆەتلانا تيحانوۆسكاياعا، 1,68% اننا كانوپاتسكاياعا، 1,04% اندرەي دميتريەۆكە، 1,13%-ى سەرگەي چەرەچەنگە داۋىس بەرگەن.

سايلاۋعا 5 798 908 ادام، ياعني تىزىمدەگى سايلاۋشىلاردىڭ 84,23%-ى قاتىسقان.

ەسكە سالا كەتسەك، كەشە بەلارۋس رەسپۋبليكاسىندا پرەزيدەنت سايلاۋىنىڭ نەگىزگى داۋىس بەرۋ كەزەڭى ءوتتى.

سايلاۋدىڭ ءادىل ءارى تالاپتارعا ساي ءوتۋىن 248 حالىقارالىق جانە 50 مىڭعا جۋىق ۇلتتىق باقىلاۋشىلار باقىلادى.

ەل زاڭناماسى بويىنشا مەملەكەت باسشىسىن تىكەلەي بەلارۋس حالقى سايلايدى. داۋىس بەرۋ قۇپيا تۇردە جۇرگىزىلەدى. ەگەر داۋىس بەرۋگە سايلاۋشىلار تىزىمىنە ەنگىزىلگەن ازاماتتاردىڭ جارتىسىنان استامى قاتىسسا، سايلاۋ ءوتتى دەپ ەسەپتەلەدى.

ەگەر كانديداتتى داۋىس بەرۋگە قاتىسقان سايلاۋشىلاردىڭ جارتىسىنان استامى قولداسا، سول ازامات جەڭىسكە جەتىپ، ەل پرەزيدەنتى بولىپ تانىلادى.

سوڭعى جاڭالىقتار