9 تامىز, 19:55 514 0 جاھان انار لەپەسوۆا

وزبەكستاندا جوو-عا ءتۇسۋ ەمتيحانى سپورت الاڭدارىندا وتەدى

وزبەكستاندا مەكتەپ بىتىرۋشىلەر جوعارى وقۋ ورنىنا ءتۇسۋ ءۇشىن ەمتيحاندى اشىق اسپان استىندا تاپسىرادى. بۇعان ۋنيۆەرسيتەتتەر عيماراتىنىڭ ەپيەدميولوگيالىق تالاپتارعا ساي كەلمەۋى سەبەپ. بۇل تۋرالى مەملەكەت باسشىسى ش.ميرزيوەۆتىڭ توراعالىعىمەن وتكەن 2020/2021 وقۋ جىلىنا دايىندىق جايلى جيىندا حابارلاندى. 

تەستىلەۋ 2 قىركۇيەكتە باستالىپ، ەكى اپتاعا سوزىلادى. تالاپكەرلەر سىناقتى سپورت الاڭدارىندا تاپسىرادى. جەرگىلىكتىك بيلىك 40 ستاديوندى تەستىلەۋ وتكىزۋگە دايىندايدى. سپورت الاڭدارىنا ارنايى شاتىرلار ورناتىلىپ، دارىگەرلەر مەن اتا-انالار جايعاساتىن ورىندار ازىرلەنەدى.

سىناقتىڭ تالاپقا ساي ءوتۋىن ءارى سانيتارلىق ەرەجەلەردىڭ ورىندالۋىن باقىلاۋ ءۇشىن ستاديونداردا بەينەباقىلاۋ كامەرالارى ورناتىلادى. تەستىلەۋ بارىسىن تەلەارنالار تىكەلەي ەفيردە كورسەتەدى.

تەستىلەۋ الدىندا تالاپكەرلەردىڭ دەنە قىزۋى ولشەنەدى. سىرقاتتانىپ تۇرعاندار مەديتسينالىق تەكسەرىستەن وتەدى. ەگەر تالاپكەردەن COVID-19 انىقتالماسا، ول سىناقتى وزگەلەردەن بولەك تاپسىرادى. ال سىناماسىنان ىندەت انىقتالسا، ەمتيحانعا جىبەرىلمەيدى.

 

سوڭعى جاڭالىقتار