9 تامىز, 18:20 442 0 سپورت انار لەپەسوۆا

Astana كومانداسى حالىقارالىق ونلاين شاحمات تۋرنيرىندە جەڭىسكە جەتتى

ەلدەر مەن ءتورت قالانىڭ جاسوسپىرىمدەرى اراسىنداعى Four Cities Friendship Chess Championship 2020 – Junior Division حالىقارالىق شاحمات ونلاين ماتچ-ءتۋرنيرى قازاقستاندىق Astana كومانداسىنىڭ ايقىن جەڭىسىمەن اياقتالدى.

قازاقستان شاحمات فەدەراتسياسىنىڭ حابارلاۋىنشا، قشف گونكونگ، سينگاپۋر جانە مالايزيانىڭ ۇلتتىق فەدەراتسيالارىمەن بىرلەسىپ وتكىزىلگەن ءتۋرنيرى 25 شىلدە مەن 8 تامىز ارالىعىندا بولدى. وعان نۇر-سۇلتان، گونكونگ، سينگاپۋر مەن مالايزيانىڭ كوماندالارى قاتىستى.

Astana شاحمات كومانداسىنان ءوز جاس ساناتىنداعى قر چەمپيوناتتارىنىڭ جەڭىمپازدارى مەن جۇلدەگەرلەرى ونەر كورسەتتى. جەڭىمپازداردى مادەنيەت جانە سپورت ءمينيسترى اقتوتى رايىمقۇلوۆا قۇتتىقتادى

. «سىزدەردى حالىقارالىق ونلاين-ماتچتاعى جەڭىستەرىڭىزبەن شىن جۇرەكتەن قۇتتىقتايمىن. تۋرنير بويى ءبىزدىڭ قۇرامانىڭ بارلىق مۇشەلەرىنىڭ كەرەمەت دايىندىعى مەن سەنىمدى ويىن كورسەتكەنىن اتاپ وتكىم كەلەدى. بالالار جاقسى جۇمىس ىستەدى، جينالا الدى، جانە قويىلعان ماقساتتاردى تاماشا ورىندادى»، - دەدى مينيستر.

 

سوڭعى جاڭالىقتار