9 تامىز, 16:41 418 0 جاھان انار لەپەسوۆا

COVID-19: رەسەيدە ىندەتكە شالدىققاندار سانى 887 مىڭنان استى

وتكەن تاۋلىكتە رەسەيدىڭ 84 وڭىرىندە كوروناۆيرۋس جۇقتىرۋدىڭ 5189 جاڭا دەرەگى تىركەلدى. ولاردىڭ 26,6 پايىزى – سيمپتومسىز ناۋقاستار. بۇل تۋرالى ەلدەگى ىندەتتىڭ تارالۋىن باقىلاۋ جونىندەگى جەدەل شتاب حابارلادى.

ەلدە ءبىر تاۋلىك ىشىندە 3215 ادام ەمدەلىپ شىقسا، دەرتى اسقىنعان 77 ناۋقاس كوز جۇمدى. پاندەميا باستالعالى رەسەيدە ىندەت جۇقتىرعانداردىڭ جالپى سانى 887 536-عا جەتىپ وتىر. ىندەت قۇرباندارىنىڭ سانى – 14 931. 693 422 ادام ىندەتتى جەڭدى.

ەسكە سالا كەتەيىك، بۇعان دەيىن اقش-تا كوروناۆيرۋس جۇقتىرعاندار سانى 5 ميلليوننان اسقانىن حابارلاعانبىز.  ىندەتتەن ەلدە بارلىعى 161 900 ادام قايتىس بولدى. سوڭعى اپتادا ءار تاۋلىك سايىن شامامەن 1000 ادام كوز جۇمۋدا.

ال قازاقستاندا سوڭعى تاۋلىكتە 872 ادامنان كوروناۆيرۋس انىقتالىپ, قاتەرلى ۆيرۋستى جۇقتىرعانداردىڭ جالپى سانى 98 701-گە جەتتى. ىندەتتەن 1058 وتانداسىمىز كوز جۇمدى. سونداي-اق، كوروناۆيرۋس بەلگىلەرى بار پنەۆمونيادان 152 ناۋقاس قايتىس بولدى.

سوڭعى جاڭالىقتار