9 تامىز, 13:47 1091 0 جاھان انار لەپەسوۆا

بەلارۋستە پرەزيدەنت سايلاۋىنىڭ نەگىزگى داۋىس بەرۋ كەزەڭى ءوتىپ جاتىر

بۇگىن بەلورۋسسيادا پرەزيدەنت سايلاۋىنا نەگىزگى داۋىس بەرۋ كەزەڭى ءوتىپ جاتىر. 

بەلتا اگەنتتىگىنىڭ حابارلاۋىنشا،  ەل تۇرعىندارى سايلاۋعا ءتۇسىپ جاتقان ۇمىتكەر - اندرەي دميتريەۆ، اننا كانوپاتسكايا، الەكساندر لۋكاشەنكو، سۆەتلانا تيحانوۆسكايا جانە سەرگەي چەرەچەننىڭ بىرىنە داۋىس بەرەدى.

داۋىس بەرۋ ءۇشىن ەلدە 5767 ۋچاسكە قۇرىلعان، ونىڭ  231-ءى – ساناتوريلەردە، پروفيلاكتوريلەردە، دەمالىس ۇيلەرىندە، اۋرۋحانالاردا جانە ستاتسيونارلىق جاعدايدا مەديتسينالىق كومەك كورسەتەتىن باسقا دەنساۋلىق ساقتاۋ ۇيىمدارىندا، 13-ءى – اسكەري بولىمدەردە جانە 44-ءى – بەلورۋسسيادان تىس جەرلەردە.

سايلاۋدىڭ ءادىل ءارى تالاپتارعا ساي ءوتۋىن 248 حالىقارالىق جانە 50 مىڭعا جۋىق ۇلتتىق باقىلاۋشىلار باقىلاۋدا.

مەملەكەت باسشىسىن تىكەلەي بەلارۋس حالقى سايلايدى. داۋىس بەرۋ قۇپيا تۇردە جۇرگىزىلەدى. ەگەر داۋىس بەرۋگە سايلاۋشىلار تىزىمىنە ەنگىزىلگەن ازاماتتاردىڭ جارتىسىنان استامى قاتىسسا، سايلاۋ ءوتتى دەپ ەسەپتەلەدى.

ەگەر كانديداتتى داۋىس بەرۋگە قاتىسقان سايلاۋشىلاردىڭ جارتىسىنان استامى قولداسا، سول ازامات جەڭىسكە جەتىپ، ەل پرەزيدەنتى بولىپ تانىلادى.

سوڭعى جاڭالىقتار