8 تامىز, 12:25 554 0 جاڭالىقتار اسىل تۇمار

كوبەيتۇز كولىنىڭ بالشىعىن اكەتپەك بولعان ەلوردالىقتار جاۋاپقا تارتىلدى

ەرەيمەنتاۋ اۋدانىنداعى كوبەيتۇز كولىنىڭ بالشىعىن اكەتپەك بولعان ەلوردالىقتار اكىمشىلىك كودەكستىڭ بىردەن ءۇش بابى بويىنشا جاۋاپقا تارتىلدى، – دەپ حابارلادى اقمولا وبلىستىق پد ءباسپاسوز قىزمەتى.

ۆەدومستۆودان اتاپ وتكەندەي، نۇر-Cۇلتان قالاسىنىڭ ەكى تۇرعىنى، ەرلى-زايىپتىلار تىيىم سالىنعانىنا قاراماستان دالا جولىمەن بلوكپوستى اينالىپ ءوتىپ كوبەيتۇز كولىنە بارعان. ولار كولگە بارىپ قانا قويماي، كولدىڭ بالشىعىن الىپ كەتپەك بولعان.

ەرەيمەنتاۋ اۋداندىق پوليتسيا قىزمەتكەرلەرى استانالىقتاردىڭ اكىمشىلىك كودەكس بويىنشا بىرنەشە زاڭ بۇزۋشىلىق جاساعانىن انىقتادى.

«وسىعان بايلانىستى 58 جاستاعى ەر ادام مەن ونىڭ ايەلىنىڭ ۇستىنەن قر اقبك 364 بابى (ورتاق سۋدى پايدالانۋ ەرەجەسىن بۇزۋ) بويىنشا اكىمشىلىك حاتتاما تولتىرىلدى. سونىمەن بىرگە، كارانتين تالابىن بۇزعاندارى ءۇشىن قر اقبك 425 بابى (حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى زاڭناماسىنىڭ تالاپتارىن، سونداي-اق گيگيەنالىق نورماتيۆتەردi بۇزۋ) بويىنشا جانە قر اقبك 139 بابى (جەر قويناۋىنا مەملەكەتتiك مەنشiك قۇقىعىن بۇزۋ) بويىنشا ءىس ماتەريالدارى جينالىپ، وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى، وبلىستىق ەكولوگيا دەپارتامەنتىنە جولداندى»، – دەيدى ۆەدومستۆودان.

وسى رەتتە، ءتارتىپ ساقشىلارى كارانتين رەجيمىن بۇزعاندار جاۋاپكەرشىلىك تارتىلاتىن ەسكەرتەدى، سونداي-اق تابيعى رەسۋرستارعا ۇقىپتىلىقپەن قاراۋعا شاقىرادى.

سوڭعى جاڭالىقتار