8 تامىز, 16:31 983 0 جاڭالىقتار باقىتبەك قادىر

بيلل گەيتس تابيعي اپاتتار پاندەميادان دا قاۋىپتى بولاتىنىن ەسكەرتتى

«مايكروسوفت» كومپانياسىنىڭ نەگىزىن قالاۋشى بيلل گەيتس: «بولاشاقتا الەم جاھاندىق داعدارىسقا ۇشىراۋى مۇمكىن، ونىڭ سالدارى كوروناۆيرۋس پاندەمياسىنان دا جامان بولادى»، - دەپ بولجام جاساعان. بۇل تۋرالى ءوزا حابارلايدى.

ونىڭ ايتۋىنا قاراعاندا، الداعى ون جىلدىقتا الەم كليماتتىق وزگەرىسكە تاپ بولادى. قازىرگى COVID-19 پاندەمياسىنىڭ سالدارىنان بىرنەشە ەسە كولەمدى بولۋى مۇمكىن، – دەپ جازعان جەكە بلوگىندا.
بيلل گەيتس ەكولوگيالىق داعدارىستىڭ اسەرى مەن كوروناۆيرۋس پاندەمياسىنىڭ احۋالىن سالىستىرا وتىرىپ، ينفەكتسيادان بولعان ءولىم كورسەتكىشى 100 000 ادامنىڭ 14-ءى كوز جۇمۋى مۇمكىن دەپ الاڭدايدى. الداعى 40 جىلدا جەر بەتىندەگى تەمپەراتۋرانىڭ كوتەرىلۋىنە بايلانىستى، ءولىم ءدال وسى پاندەميا كەزىندەگىدەي بولادى، ال 2100 جىلعا قاراي بۇل كورسەتكىش بەس ەسەگە ارتادى، دەگەن.ميللياردەر كليماتتىڭ وزگەرۋىنە قارسى ارەكەتتى باستاۋعا شىقىرىپ، اتموسفەراعا زياندى كومىرقىشقىل گاز شىعىندىلارىنىڭ كولەمىن باقىلاۋ ءۇشىن عىلىم مەن يننوۆاتسيانى ىسكە سالۋ كەرەكتىگىن ۇسىندى.
سونىمەن بىرگە، ول ەكولوگيالىق پروبلەمالارمەن كۇرەس دامۋشى ەلدەردە جۇرگىزىلۋى كەرەك دەپ سانايدى. گەيتس ادامزاتتىڭ ەندىگى ايالداۋعا ۋاقىتى جوق جانە ول قازىردىڭ وزىندە ارەكەتتى باستاۋ كەرەك ەكەنىن ايتقان.

سوڭعى جاڭالىقتار