8 تامىز, 17:02 849 0 اتاجۇرت باقىتبەك قادىر

قانداستاردى دايىندىق بولىمىنە قابىلداۋ باستالدى

قانداستارىمىز مەملەكەتتىك ءبىلىم بەرۋ تاپسىرىس بويىنشا جوعارى وقۋ ورىندارىنىڭ دايىندىق بولىمدەرىندە ءبىلىم الا الدى. وسى ماقساتتا قازاقستان ۇكىمەتىنىڭ 2018 جىلعى 16 ساۋىردەگى № 199 قاۋلىسىنا سايكەس 2021-2022 وقۋ جىلىنا رەسپۋبليكالىق بيۋدجەتتەن قارجىلاندىرىلاتىن ءبىلىم بەرۋ ۇيىمدارىندا جوعارى وقۋ ورىندارىنىڭ دايىندىق بولىمىندە قازاقستاننىڭ ازاماتتارى بولىپ تابىلمايتىن ۇلتى قازاق ادامداردى وقىتۋعا 1300 ورىن ءبولىندى.

وقۋعا تۇسۋگە ارنالعان قۇجاتتاردى قابىلداۋ 2020 جىلعى 5 تامىز بەن 5 قىركۇيەك ارالىعىندا ءبىلىم جانە عىلىم مينيسترلىگىنىڭ بالون پروتسەسى جانە اكادەميالىق ۇتقىرلىق ورتالىعىنىڭ ۆەب-پورتالى https://enic-kazakhstan.kz ارقىلى ونلاين رەجيمدە جۇرگىزىلەدى.

سونداي-اق قازاقستاننىڭ شەتەلدەگى مەكەمەلەرىنە جەتكىزۋ ءۇشىن سىرتقى ىستەر مينيسترلىگىنە حات جولداندى.

ۇمىتكەرلەردەن قۇجاتتاردى قابىلداۋ ەرەجەسىنە سايكەس قادامدىق نۇسقاۋلىعى تومەندە كورسەتىلگەن.

قۇجاتتاردى ونلاين رەجيمىندە تاپسىرۋ بويىنشا قوسىمشا سۇراقتار تۋىنداعان جاعدايدا +7 (7172) 287526 نومىرىنە جانە  admission@n-k.kz  پوشتاسى بويىنشا حابارلاسىپ بىلۋگە بولادى.

سونىمەن قاتار، «وتانداستار قورىنىڭ» تومەندە كورسەتىلگەن نومىرلەرى بويىنشا حابارلاسا الاسىزدار. نەمەسە مىنا باتىرمانى باسۋ ارقىلى قۇجاتتاردى قالاي ونلاين تاپسىرۋعا بولاتىنى كورسەتىلگەن.

سوڭعى جاڭالىقتار