6 تامىز, 18:38 705 0 جاڭالىقتار انار لەپەسوۆا

كوروناۆيرۋس تۇرمىستىق زورلىق-زومبىلىقتى 21 پايىزعا ارتتىردى – ءىىم

كوروناۆيرۋس ىندەتىنىڭ تارالۋىنا بايلانىستى ەنگىزىلگەن كارانتين كەزىندە ەلىمىزدە تۇرمىستىق زورلىق-زومبىلىق 21 پايىزعا وسكەن.

بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە قر ءىىم اكىمشىلىك پوليتسيا كوميتەتى يۋۆەنالدى پوليتسيا جانە ايەلدەردى زورلىق-زومبىلىقتان قورعاۋ باسقارماسىنىڭ باسشىسى اسەت وسپانوۆ ايتتى.

«بيىل بارشا الەمدە COVID-19 ىندەتىنىڭ تارالۋىنا بايلانىستى تۇرمىستىق زورلىق-زومبىلىق جاعدايىنىڭ ۋشىققانى بايقالۋدا. وكىنىشكە قاراي، بۇل پروبلەما ءبىزدىڭ ەلدى دە اينالىپ وتپەدى. وتباسىلىق تۇرمىستىق زورلىق-زومبىلىق 21 پايىزعا ءوستى»، - دەدى ول.

باسقارما باسشىسىنىڭ سوزىنشە، كارانتين كەزىندە وتباسىندا جانجال شىعاراتىنداردى باقىلاۋدىڭ جاڭا ءتاسىلى قولدانىلعان.  تىركەۋدە تۇرعاندار جانە قۇقىق بۇزۋشىلىققا اۋەس ادامدار قاشىقتان، ياعني الەۋمەتتىك مەسسەندجەرلەرمەن ۆيدەو بايلانىس ارقىلى تەكسەرىلىپتى.

«بۇل ءتاسىل اتالعان ادامداردى جەدەل باقىلاۋعا مۇمكىندىك بەرەدى. سونىمەن قاتار، تۇرمىستىق زورلىق-زومبىلىق فاكتىلەرى جايىندا پوليتسيا ورگاندارىنا جەدەل حابار بەرۋ ءۇشىن ارنايى الگورتيم دايىندالدى. ونىمەن ءدارىحانالار مەن دۇكەندەردىڭ ساتۋشىلارى، سونداي-اق زورلىق-زومبىلىققا تاپ بولۋى مۇمكىن جاندار تانىستىرىلدى»، - دەيدى ءا.وسپانوۆ.

وسى شارا ناتيجەسىندە ءوزىن-ءوزى وقشاۋلاۋ كەزەڭىندە وتباسىلىق-تۇرمىستىق قاتىناستار سالاسىندا قۇقىققا قايشى ارەكەتتەر ءۇشىن اكىمشىلىك جاۋاپكەرشىلىككە 8 مىڭنان استام قۇقىق بۇزۋشىلار تارتىلدى. ولاردىڭ جارتىسىنا جۋىعى اكىمشىلىك قاماۋعا الىنىپتى.

 

سوڭعى جاڭالىقتار