5 تامىز, 14:34 498 0 دەنساۋلىق انار لەپەسوۆا

COVID-19: تۇركيا كۋرورتتارىندا ىندەت ءورشىدى

تۇركيا كۋرورتتارىندا كوروناۆيرۋس جۇقتىرۋ دەرەكتەرىنىڭ سانى كۇرت ارتتى. بۇل تۋرالى ەلدىڭ دەنساۋلىق ساقتاۋ ءمينيسترى فاحرەتتين كودجا مالىمدەدى، دەپ حابارلايدى ريا نوۆوستي

«ءبىراز ۋاقىتتان بەرى العاش رەت ىندەت جۇقتىرعاندار سانىنىڭ كۇرت ارتقانىن كورىپ وتىرمىز»، - دەپ جازدى ول Twitter-دە. شەنەۋنىكتىڭ سوزىنشە، تۇركيا ۆيرۋستىڭ ءارى قاراي تارالۋىنا جول بەرمەۋ ءۇشىن قولدان كەلگەننىڭ ءبارىن جاساۋى كەرەك.

پاندەميا باستالعالى تۇركيادا كوروناۆيرۋس جۇقتىرعاندار سانى 234 مىڭنان استى. ناۋقاستاردىڭ 5,7 مىڭنان استامى كوز جۇمسا، 218 مىڭنان اسا ادام ەمدەلىپ شىقتى.

ال الەم بويىنشا كوروناۆيرۋس جۇقتىرعاندار سانى 18,5 ميلليوننان استى. ىندەتتەن 700 مىڭنان استام ادام كوز جۇمدى.

ءوز ەلىمىزدەگى ەپيدەميولوگيالىق احۋالعا كەلسەك، قازاقستاندا وتكەن تاۋلىكتە 1062 ادامنان كوروناۆيرۋس انىقتالىپ, ىندەتكە شالدىققانداردىڭ جالپى سانى 95 مىڭعا جۋىقتادى. ىندەتتەن 67 مىڭنان اسا ادام ەمدەلىپ شىقسا، 1058 ادام كوز جۇمدى.

سوڭعى جاڭالىقتار