5 تامىز, 12:43 551 0 جاڭالىقتار اسىل تۇمار

جۇمىسپەن قامتۋدىڭ جول كارتاسى: 154 مىڭ جۇمىس ورنى قۇرىلدى

سۋرەت عالامتوردان الىندى
سۋرەت عالامتوردان الىندى

قر ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى جۇمىسپەن قامتۋدىڭ 2020-2021 جىلدارعا ارنالعان جول كارتاسى اياسىندا (بۇدان ءارى – جقجك) 6 373 جوبانى ىسكە اسىرۋ باستالىپ، ونىڭ 154 مىڭ جۇمىس ورنى قۇرىلعانىن حابارلادى.

جقجك اياسىندا جەرگىلىكتى اتقارۋشى ورگاندار ىسكە اسىرۋ ءۇشىن 6 762 جوبانى ىرىكتەپ الدى.

جقجك ينفراقۇرىلىمدىق جوبالارىن ىسكە اسىرۋ 4 نەگىزگى باعىت بويىنشا وتەدى:

  • الەۋمەتتىك-مادەني نىسانداردى كۇردەلى جانە اعىمداعى جوندەۋ، رەكونسترۋكتسيالاۋ جانە سالۋ (2 729 جوبا);
  • تۇرعىن ءۇي-كوممۋنالدىق شارۋاشىلىق نىساندارىن كۇردەلى، ورتاشا جانە اعىمداعى جوندەۋ، رەكونسترۋكتسيالاۋ (1 088 جوبا);
  • ينجەنەرلىك-كولىك ينفراقۇرىلىمىن كۇردەلى، ورتاشا جانە اعىمداعى جوندەۋ، رەكونسترۋكتسيالاۋ جانە سالۋ (1 926 جوبا);
  • ەلدىمەكەندەردى اباتتاندىرۋ (1 019 جوبا).

جقجك ينفراقۇرىلىمدىق جوبالارىن ىسكە اسىرۋ كەزىندە وتاندىق وندىرۋشىلەردىڭ كەمىندە 90% تاۋارلارى مەن قىزمەتىن قولدانۋدى قامتاماسىز ەتۋ ەرەكشە شارت بولىپ تابىلادى. جۇمىسشىلاردىڭ كەم دەگەندە جارتىسى حالىقتى جۇمىسپەن قامتۋ ورتالىقتارى ارقىلى الىنىپ، باسىمدىق جۇمىسسىز جۇرگەن جاستارعا بەرىلەدى. مەردىگەرلەر سانيتارلىق-ەپيدەميولوگيالىق شارالاردى قولدانا وتىرىپ، قاۋىپسىز ەڭبەك جاعدايىن قامتاماسىز ەتۋگە ءتيىس.

4 تامىزداعى جاعداي بويىنشا وڭىرلەردە 6 373 جوبا بويىنشا جۇمىس باستالدى، 154 مىڭ جۇمىس ورنى قۇرىلدى، ونىڭ ىشىندە حالىقتى جۇمىسپەن قامتۋ ورتالىقتارى ارقىلى 88 مىڭ ادام جۇمىسقا ورنالاستى.

سوڭعى جاڭالىقتار