5 تامىز, 08:39 524 0 جاڭالىقتار اسىل تۇمار

ليۆانداعى جارىلىس: جاراقات العاندار سانى 2500 ادامنان استى

سۋرەت عالامتوردان الىندى
سۋرەت عالامتوردان الىندى

ليۆان استاناسى بەيرۋت قالاسىندا بولعان جويقىن جارىلىس سالدارىنان 27 ادام كوز جۇمىپ، جاراقات العاندار سانى 2500-دەن استى، – دەپ جازدى ۆۆس. قازىرگى كەزدە اۋرۋحانالار جارالىلارعا تولىپ، كوپتەگەن عيمارات بۇزىلعان.

ليۆانداعى قازاقستاندىق ديپلوماتتاردىڭ اقپاراتى بويىنشا، كەشە، 4 تامىزدا جەرگىلىكتى ۋاقىت بويىنشا ساعات 18:00 شاماسىندا بەيرۋتتاعى تەڭىز پورتىنىڭ بازاسىندا بىرنەشە قاتتى جارىلىس بولدى. جاقىن ماڭدا ورنالاسقان ۇيلەردە، سونداي-اق جارىلىس ەپيتسەنترىنەن بىرنەشە شاقىرىم جەردە ورنالاسقان عيماراتتاردا تەرەزەلەرى شاعىلدى.

جەرگىلىكتى بيلىكتىڭ الدىن-الا اقپاراتى بويىنشا، تەڭىز پورتىندا پيروتەحنيكاسى بار كەمە جارىلعان. جەلىدە تارالعان ۆيدەودا ليۆان استاناسى اسپانىندا پايدا بولعان قويۋ ءتۇتىن جارىلىستىڭ سالدارى ەكەنىن كورسەتەدى.

سوڭعى جاڭالىقتار