4 تامىز, 19:00 425 0 جاڭالىقتار اسىل تۇمار

«تازا قازاقستان»: الماتىنىڭ تاۋلى ايماقتارىنا رەيد جۇرگىزىلىپ جاتىر

سۋرەت عالامتوردان الىندى
سۋرەت عالامتوردان الىندى

الماتىدا رەسپۋبليكالىق «تازا قازاقستان» ەكولوگيالىق اكتسياسى ءوتىپ جاتىر. ءموبيلدى توپتىڭ قۇرامىنا ەكولوگيالىق پوليتسيا قىزمەتكەرلەرى، مەدەۋ اۋدانى اكىمىنىڭ جانىنداعى قورشاعان ورتانى قورعاۋ جانە ەكولوگيا ءبولىمىنىڭ ماماندارى، ەكولوگيا دەپارتامەنتى جانە قوعام وكىلدەرى كىرەدى.

«ءموبيلدى توپ «تازا قازاقستان» اكتسياسى اياسىندا «بۋتاكوۆكا» شاتقالىنا رەيد جۇرگىزدى. ناتيجەسىندە قوقىستى جاعىپ جاتقان الماتى قالاسىنىڭ تۇرعىنى انىقتالدى. ول ءوزىنىڭ زاڭ بۇزعانىن بىردەن مويىندادى. ناتيجەسىندە، قر اكىمشىلىك قۇقىق بۇزۋشىلىق تۋرالى كودەكسىنىڭ 505-بابى بويىنشا اكىمشىلىك حاتتاما جاسالدى. وسى مۇمكىندىكتى پايدالانا وتىرىپ، ءبىز ازاماتتاردى تابيعاتتى قورعاۋعا جانە قازاقستان رەسپۋبليكاسىنىڭ ەكولوگيالىق زاڭناماسىن قاتاڭ ساقتاۋعا شاقىرامىن»، – دەدى مەدەۋ اۋداندىق پوليتسيا باسقارماسى باستىعىنىڭ ورىنباسارى ۇلان ابىلقايىر.

سوڭعى جاڭالىقتار