4 تامىز, 21:01 510 0 اتاجۇرت باقىتبەك قادىر

شەتەلدەن كەلگەن ۇلتتى قازاق ستۋدەنتتەردىڭ ۆيزاسى ۇزارتىلدى

«س9» ساناتىنداعى ءبىلىم الۋعا ارنالعان ۆيزا قازاقستاننىڭ ءبىلىم بەرۋ ۇيىمدارىندا وقىپ جاتقان ستۋدەنتتەرگە، سونداي-اق ولاردىڭ وتباسى مۇشەلەرىنە بەرىلەدى.

اتاپ وتەيىك، شەتەلدىكتەر مەن ازاماتتىعى جوق ادامداردىڭ قازاقستانعا كەلۋىنە شاقىرتۋ رەسىمدەۋ، قازاقستان ۆيزاسىن بەرۋ،  كۇشىن جويۋ، قالپىنا كەلتىرۋ، سونداي-اق ونىڭ قولدانىلۋ مەرزىمىن ۇزارتۋ جانە قىسقارتۋ قاعيداسى قولدانىستاعى زاڭنامانىڭ 49-تارماعىمەن (قازاقستان رەسپۋبليكاسى سىرتقى ىستەر ءمينيسترىنىڭ م.ا. 2016 جىلعى 24 قاراشاداعى № 11-1-2/555 جانە قازاقستان رەسپۋبليكاسى ىشكى ىستەر ءمينيسترىنىڭ 2016 جىلعى 28 قاراشاداعى № 1100 بىرلەسكەن بۇيرىعى) رەتتەلەدى.

ال ۆيزانىڭ قولدانىلۋ نەمەسە قازاقستان اۋماعىندا بولۋدىڭ رۇقسات ەتىلگەن ۆيزاسىز مەرزىمى وتكەنگە دەيىن قازاقستاننىڭ اۋماعىنان كەتۋگە كەدەرگى بولعان فورس-ماجورلىق جاعداي ورىن السا، يا بولماسا رەيس، پوەزد نەمەسە وزگە كولىك قۇرالى جونەلتىلىمى كىدىرگەن جاعدايدا «ۆ20» ساناتىنداعى ۆيزا بەرۋ قاراستىرىلعان.

وسىنى ەسكەرە وتىرىپ، كوشى-قون مارتەبەسىن رەتتەۋ جانە شىعۋ ۆيزاسىن رەسىمدەۋ ءۇشىن كوشى-قون قىزمەتىنىڭ اۋماقتىق باسقارماسىنا جۇگىنۋ كەرەك.

قازاقستان ازاماتتىعى جوق ۇلتتى قازاق ستۋدەنتتەردىڭ ەلدە بولۋ مەرزىمىن ۇزارتۋ تۋرالى تولىعىراق ءبىلۋ ءۇشىن 1404 نومىرىنە حابارلاسىپ، سۇراۋعا بولادى.

سوڭعى جاڭالىقتار