4 تامىز, 12:22 497 0 جاڭالىقتار اسىل تۇمار

COVID-19: ىندەتتىڭ تىركەلۋ كورسەتكىشى 18 پايىزعا تومەندەدى

سۋرەت عالامتوردان الىندى
سۋرەت عالامتوردان الىندى

قر دەنساۋلىق ساقتاۋ ءمينيسترى الەكسەي تسوي ەلىمىزدە كوروناۆيرۋس ينفەكتسياسىنىڭ تىركەلۋ جاعدايى 18 پايىزعا تومەندەگەنىن ايتتى.

«3 تامىزدا 93 820 ناۋقاس تىركەلدى، ونىڭ 27 597 ەم الىپ جاتىر. 55 132 ادام ەمدەلىپ شىعىپ، 1 091 ادام قايتىس بولدى. تولىقتاي العاندا، رەسپۋبليكا بويىنشا وتكەن اپتامەن سالىستىرعاندا تىركەلگەن جاعدايدىڭ 18 پايىزعا تومەندەگەنى بايقالادى. ءتورت اپتالىق كارانتين كەزىندە كەلەسى ناتيجەگە قول جەتكىزىلدى: توسەك-ورىن سانى 56 پايىزعا بوسادى. ونىڭ ىشىندە رەانيماتسيالىق توسەك-ورىندار 36 پايىزعا قىسقاردى. جازىلىپ شىققاندار سانى 69,4 پايىزعا جەتتى. جەدەل جاردەم شاقىرۋ، ونىڭ ىشىندە كوروناۆيرۋسقا بايلانىستى شاقىرتۋلار 40 پايىزعا ازايدى»، – دەدى ول.

ءمينيستردىڭ ايتۋىنشا، ۆيرۋستىڭ رەپرودۋكتيۆتىك كورسەتكىشى 24 پايىزعا، ياعني، 1,2-دەن 0,89-عا دەيىن تومەندەدى.

«وسىلايشا، دەنساۋلىق ساقتاۋ جۇيەسىنە تۇسەتىن جۇكتەمەنىڭ نەگىزگى كورسەتكىشىن تومەندەتۋگە قول جەتكىزىلدى. قاتاڭ شەكتەۋ شارالارىن ەنگىزگەنگە دەيىن رەپرودۋكتيۆتىك كورسەتكىشى 1,2 پايىز بولعان ەدى. كارانتين ەنگىزىلگەن سوڭ 2 اپتادان كەيىن رەپرودۋكتيۆتىك كورسەتكىشتىڭ تۇراقتى تۇردە تومەندەۋ ءۇردىسىن بايقاپ وتىرمىز»، – دەدى الەكسەي تسوي.

ونىڭ دەرەگىنشە، 23 شىلدەدەن باستاپ ينفەكتسيانىڭ رەپرودۋكتىك كورسەتكىشى تۇراقتى تۇردە تومەندەپ كەلەدى. بۇل كورسەتكىش 4 تامىزدا 0,89-عا دەيىن قىسقارعان.

«ەپيدەميولوگيالىق تۇرعىدان العاندا بۇل كورسەتكىشتىڭ ءبىر پايىزدان تومەن بولعانى ماڭىزدى. 4 تامىزدا رەپرودۋكتيۆتىك كورسەتكىش اقمولا مەن قاراعاندى وبلىستارىنان باسقا بارلىق وڭىردە 1 پايىزدان اسپادى»، – دەدى ول.

سوڭعى جاڭالىقتار