4 تامىز, 10:55 1574 0 جاڭالىقتار اسىل تۇمار

باستاۋىش سىنىپ وقۋشىلارى ءۇشىن كەزەكشى سىنىپتار اشىلادى – مينيستر

سۋرەت عالامتوردان الىندى
سۋرەت عالامتوردان الىندى

ءبىلىم جانە عىلىم ءمينيسترى اسحات ايماعامبەتوۆ ۇكىمەت وتىرىسىندا: «جاڭا وقۋ جىلىنا دايىندىق قارقىندى ءجۇرىپ جاتىر. ەلدەگى سانيتارلىق جاعدايعا بايلانىستى 1 قىركۇيەكتەن باستاپ وقۋ جىلى جالپى قاشىقتان وقىتۋ فورماتىندا باستالادى. قابىلدانعان شەشىمگە سايكەس، بۇل جەردە ەكى ەرەكشەلىك بار. بىرىنشىدەن، شالعايداعى ەلدىمەكەندەردەگى شاعىن جيناقتالعان مەكتەپتەر ەپيدەميالىق احۋال جاقسى بولعان جاعدايدا وقۋدى ءداستۇرلى تۇردە باستايدى. ەكىنشىدەن، باستاۋىش سىنىپ وقۋشىلارى ءۇشىن اتا-انالاردىڭ ءوتىنىشى نەگىزىندە قاتاڭ سانيتارلىق تالاپتاردى ساقتاي وتىرىپ، كەزەكشى سىنىپتار اشىلادى»، – دەدى مينيستر.

بۇل جاعدايدا وقۋشىلار تەك ءبىر كابينەتتە ءبىر مۇعالىممەن وقيتىن بولادى. ال ۇزىلىستەر ءارتۇرلى ۋاقىتتا بولادى.

«سىنىپتاعى بالا سانى 15-تەن اسپايدى. كەزەكشى سىنىپتارعا ءوتىنىش ەلەكتروندى تۇردە قولجەتىمدى بايلانىس قۇرالدارى ارقىلى قابىلدانادى. سونىمەن، الدىن الا بولجام بويىنشا ينتەرنەت پلاتفورمالار مەن تەلەديداردى پايدالانا وتىرىپ، قاشىقتان وقىتۋ فورماتىندا 2,6 ملن وقۋشى، كەزەكشى سىنىپتاردا 530 مىڭ بالا، شتاتتىق تۇردە اۋىلداردا 157 مىڭنان استام وقۋشى ءبىلىم الادى دەپ كۇتىلۋدە»، – دەدى ۆەدومستۆو باسشىسى.

سوڭعى جاڭالىقتار