4 تامىز, 13:15 424 0 جاڭالىقتار اسىل تۇمار

ۇكىمەت رەزەرۆىنەن 1,2 ملن زەرتحانالىق زەرتتەۋ جۇرگىزۋ ءۇشىن قاراجات ءبولىندى

قازاقستان رەسپۋبليكاسى ۇكىمەتىنىڭ رەزەرۆىنەن دەنساۋلىق ساقتاۋ مينيسترلىگىنە COVID-19 ۆيرۋسىن انىقتاۋ بويىنشا پتر تەست وتكىزۋ ءۇشىن قاراجات ءبولىندى.

دەنساۋلىق ساقتاۋ مينيسترلىگىنىڭ مالىمەتىنشە، ۇكىمەت رەزەرۆىنەن 1 200 000 زەرتحانالىق زەرتتەۋ جۇرگىزۋ ءۇشىن قاراجات ءبولىندى.

«پتر تەست وتكىزۋ ارقىلى COVID-19 اۋرۋىن انىقتاۋ بويىنشا 1 020 000 زەرتحانالىق زەرتتەۋ مينيسترلىككە قاراستى «ۇلتتىق ساراپتاما ورتالىعىندا»، ال قالعان 180 000 زەرتتەۋ قر دسم «ۇلتتىق قوعامدىق دەنساۋلىق ورتالىعىندا» جۇرگىزىلەدى. ودان بولەك بيىل ماۋسىم ايىندا 225 600 تەست جەتكىزىلگەن»، – دەدى دسم تاۋارلار مەن قىزمەتتەردىڭ ساپاسىن جانە قاۋىپسىزدىگىن باقىلاۋ كوميتەتىنىڭ ءباسپاسوز قىزمەتىنەن.

كوميتەتتىڭ حابارلاۋىنشا، قازىرگى ۋاقىتتا ساتىپ الۋ پروتسەدۋراسىنىڭ ءبارى جۇرگىزىلىپ، تاسىمالداۋشىمەن 554 000 تەستتى جەتكىزۋ بويىنشا كەلىسىم جاسالعان. كەلىسىمگە سايكەس تەستتەر 1-2 اپتانىڭ ىشىندە جەتكىزىلەدى.

«ودان بولەك ۇلتتىق ساراپتاما ورتالىعى (قر دسم زەرتحانالارى) ازاماتتاردى تەستپەن بارىنشا قامتۋ ءۇشىن مەملەكەتتىك جانە جەكە زەرتحانالاردى دا تارتىپ وتىر. 2020 جىلدىڭ 2 تامىزىنداعى جاعداي بويىنشا رەسپۋبليكادا 239 646 دانا تەست قالعان. بۇل مولشەر – الداعى ەكى اپتانى قاجەتتىگىن جاۋىپ تۇر»، – دەلىنگەن حابارلامادا.

سوڭعى جاڭالىقتار