4 تامىز, 10:17 2120 0 جاڭالىقتار اسىل تۇمار

كىتاپحانا جۇيەسىنىڭ باسشىسى 10 ميلليون تەڭگە جىمقىرعان

پاۆلودار وبلىسى بويىنشا ىشكى مەملەكەتتىك اۋديت دەپارتامەنتى مەملەكەت قازىناسىنان اقشا جىمقىرۋ فاكتىسىن انىقتادى.

«پاۆلودار وبلىسى بويىنشا ىشكى مەملەكەتتىك اۋديت دەپارتامەنتى «جەلەزين اۋدانىنىڭ ورتالىقتاندىرىلعان كىتاپحانا جۇيەسى» كوممۋنالدىق مەملەكەتتىك مەكەمەسىندە مەكەمە باسشىسى مەن قىزمەتكەرلەرىنە جالاقىنى ەسەپتەۋ جانە اۋدارۋ كەزىندە قازاقستان رەسپۋبليكاسى زاڭناماسىنىڭ نورمالارىن ساقتاۋ ماسەلەسى بويىنشا مەملەكەتتىك اۋديت جۇرگىزدى. اۋديت بارىسىندا مەكەمە بۋحگالتەرى 2013-2019 جىلدار ارالىعىندا مەكەمە باسشىسى مەن بۋحگالتەردىڭ جەكە ەسەپشوتىنا نەگىزسىز اقشا اۋدارعانى انىقتالدى»، – دەپ حابارلادى پاۆلودار وبلىسى بويىنشا ىشكى مەملەكەتتىك اۋديت دەپارتامەنتى وكىلدەرى.

سىبايلاستار 10 ملن تەڭگە كولەمىندەگى مەملەكەت قاراجاتىن يەمدەنىپ العان.

«پاۆلودار وبلىسى جەلەزين اۋداندىق سوتىنىڭ 2020 جىلعى 27 شىلدەدەگى شەشىمى نەگىزىندە مەكەمە باسشىسى مەن مەكەمە بۋحگالتەرىنە اۋىر سىبايلاس جەمقورلىق قىلمىسى ءۇشىن ءتورت جىل التى اي مەرزىمگە باس بوستاندىعىن شەكتەۋ جازاسى تاعايىندالدى»، – دەپ تولىقتىردى دەپارتامەنت وكىلدەرى.

شەشىم زاڭدى كۇشىنە ەنگەن جوق.

سوڭعى جاڭالىقتار