3 تامىز, 14:56 615 0 دەنساۋلىق انار لەپەسوۆا

ەلىمىزدە پنەۆمونياعا شالدىققاندار سانى 3,3 ەسە وسكەن

سۋرەت ينتەرنەتتەن الىندى
سۋرەت ينتەرنەتتەن الىندى

ەلىمىزدە پنەۆمونياعا شالدىققاندار سانى 3,3 ەسە، ال وسى اۋرۋدان كوز جۇمعاندار سانى 1,9 ەسە وسكەن. 

قر دەنساۋلىق ساقتاۋ ۆيتسە-ءمينيسترى اجار عينياتتىڭ مالىمەتىنشە، 2019 جىلدىڭ 1 قاڭتارى مەن 2 تامىز ارالىعىندا ەلىمىزدە وكپە قابىنۋىنان 2 033 ادام قايتىس بولعان. ال وسى جىلدىڭ ءدال وسىنداي كەزەڭىندە 4 042 ادام كوز جۇمىپتى. 

وكپە قابىنۋىنان قازا تاپقانداردىڭ كوروناۆيرۋس ستاتيستيكاسىنا ەنبەۋ سەبەبىن تۇسىندىرگەن ۆيتسە-مينيستر: «1 تامىزعا دەيىن وكپە قابىنۋى بۇكىل دۇنيەجۇزى قولداناتىن اۋرۋلاردىڭ حالىقارالىق جىكتەمەسىنە ساي پنەۆمونيا اۋرۋى رەتىندە جىكتەلگەن. ءسويتىپ ەلەكتروندى جۇيەگە ءتۇسىپ كەتتى. ءاربىر دارىگەر ءوزى ەمدەگەن ناۋقاسىن جىكتەپ، جۇيەگە سالىپ وتىرادى. ال قازىر دارىگەرلەر كوپتەگەن اۋرۋدى ەمدەپ، ەندى-ەندى ءال جيناپ جاتىر دەسەم، وتىرىك ەمەس»، - دەدى. 

ەسكە سالا كەتسەك، بۇعان دەيىن الەكسەي تسوي پنەۆمونيادان كوز جۇمعاندار قالاي جەرلەنەتىنىن ايتقان بولاتىن

ءمينيستردىڭ دەرەگىنشە، سوڭعى تاۋلىكتە قازاقستاندا كوروناۆيرۋس پەن پنەۆمونيادان 55 ادام قايتىس بولعان

سوڭعى جاڭالىقتار