3 تامىز, 14:31 485 0 جاڭالىقتار انار لەپەسوۆا

COVID-19: قازاقستاندا 8,5 مىڭنان استام دارىگەر ىندەت جۇقتىردى

سۋرەت عالامتوردان الىندى
سۋرەت عالامتوردان الىندى

ەلىمىزدە ىندەت تارالعالى بەرى 8 518 دارىگەر قاتەرلى ۆيرۋس جۇقتىرعان. بۇل تۋرالى ورتالىق كوممۋنيكاتسيالار قىزمەتىندەگى ءباسپاسوز ءماسليحاتى بارىسىندا قر دەنساۋلىق ساقتاۋ ۆيتسە-ءمينيسترى اجار عينيات ءمالىم ەتتى. 

«ەلىمىزدە كوروناۆيرۋس ينفەكتسياسى راستالعان مەديتسينا قىزمەتكەرلەرىنىڭ سانى -  8 518 ادام. بۇگىنگى كۇنى دارىگەرلەردىڭ اراسىندا وكپە قابىنۋىمەن اۋىرعاندار تۋرالى مالىمەت جوق»، - دەدى ۆيتسە-مينيستر.

ايتا كەتەيىك، بۇعان دەيىن دەنساۋلىق ساقتاۋ ءمينيستى الەكسەي تسوي مەديتسينا قىزمەتكەرلەرىنە وتەماقى بەرۋ ماسەلەسىندە ءاربىر جاعداي جەكە ءارى ءجىتى زەرتتەلەتىنىن ايتقان بولاتىن.

«كوپ ادام مەديتسينا قىزمەتكەرلەرىنە وتەماقى بەرەر كەزدە تامىزعا، ياعني كوروناۆيرۋس پەن پنەۆمونيا ستاتيستيكاسى بىرىكتىرىلگەنگە دەيىن انىقتالعان ادامدار ودان سىرت قالماي ما دەگەن سۇراق قويىپ جاتىر. ءبىز بۇل باعىتتا جۇمىس جۇرگىزىپ جاتىرمىز. مىندەتتى تۇردە ماسەلەنى ءجىتى زەرتتەيمىز. ءاربىر جاعداي جەكە تالدانادى. ءبىزدىڭ ارىپتەستەرىمىزدىڭ ەشقايسىسى بۇل ماسەلە بويىنشا الاڭداماي-اق قويسىن»، - دەدى مينيستر.

سوڭعى جاڭالىقتار