3 تامىز, 13:15 685 0 نۇر وتان انار لەپەسوۆا

مارال ەرعازينا: پارتيا قاتارىندا حالىقتان شىققان ادام بولۋى كەرەك (ۆيدەو)

بارلىق دەڭگەيدەگى ءماسليحاتتار مەن پارلامەنت ماجىلىسىندەگى دەپۋتاتتىق كورپۋستى ودان ارى قالىپتاستىرۋدا  جاڭا كوشباسشىلاردى انىقتاۋ ماڭىزدى. پرايمەريز الداعى ۋاقىتتا بۇقارالىق ساياساتتىڭ دامۋىنا جول اشپاق. بۇگىنگى ساياسي احۋال ەلدە بولىپ جاتقان جاعدايعا تىكەلەي بايلانىستى. حالىق ءوزىن قولدايتىن مەملەكەتتىڭ بار ەكەنىن سەزىنە باستادى دەيدى پاۆلودار وبلىسى، «ەكىباستۇز گرەس-2 ستانتسياسى» اق كاسىپوداق كوميتەتىنىڭ مامانى مارال ەرعازينا.

مۇنداي پىكىردى ول «Nur Otan» پارتياسى جاقتاستارىنىڭ ليگاسى وتكىزگەن Zoom-كونفەرەنتسياسىندا سويلەگەن سوزىندە ايتتى. مارال ءوزى پرايمەريزگە قاتىسىپ، باعىن سىناپ كورۋگە ءازىر ەكەندىگىن جەتكىزدى. قازىر قاراپايىم تۇرعىندار حالىقتىڭ قاجەتتىلىگى ءۇشىن شەشىم شىعارىپ، جۇمىس ىستەيتىن بيلىك تارماقتارىنىڭ بار ەكەندىگىنە كوزدەرى جەتە باستاعاندىعىن ەرەكشە اتاپ ءوتتى.

«حالىق اراسىندا ۇكىمەت، پارتيا جانە حالىق ۇشتىگىنىڭ ارقايسىسى وزىنشە جەكە الەمدە ءومىر سۇرەدى دەگەن پىكىر قالىپتاسقان. پارتيانىڭ اتقارعان جۇمىسى تۋرالى ايتساڭ كەيبىرەۋلەر «مەنىڭ ەشقانداي قاتىسىم جوق، مەن ولاردى، ولار مەنى بىلمەيدى» دەگەن پىكىر ايتادى. سوندىقتان ءدال قازىرگى ۋاقىتتا بىزگە وسى تەندەنتسيادان قۇتىلۋ كەرەك. ول ءۇشىن پارتيا قاتارىندا حالىقتان شىققان ادام بولۋى كەرەك. راسىندا حالىق ول ادامدى ءبىلۋ كەرەك، ونىڭ ايتقانىنا قۇلاق ءتۇرىپ، ەڭ باستىسى، ونىڭ ايتقانىنا، سەنۋ كەرەك»، – دەدى مارال ەرعازينا ونلاين كونفەرەنتسيا بارىسىندا.

پرايمەريزگە قاتىسۋعا مەنىڭ ءبىلىمىم دە، قابىلەتىم دە جەتكىلىكتى. سوندىقتان ءوز-وزىمە سەنىپ، تاۋەكەل ەتىپ، ەلدىڭ قامىن ويلاپ، جاعدايىن جاساپ،  ءوز ءوڭىرىمنىڭ دامۋىنا ايتارلىقتاي ۇلەس قوسۋ ماقساتىندا پرايمەريزگە قاتىسامىن دەپ شەشتىم دەيدى ول. پرايمەريز ارقىلى ۇلتىنا، تۋعان جەرىنە جانى اشيتىن، قولىنان ءىس كەلەتىن ازاماتتاردى ىرىكتەپ الۋعا بولادى دەپ سەنەدى ول.

سوڭعى جاڭالىقتار