3 تامىز, 11:42 423 0 جاڭالىقتار انار لەپەسوۆا

پرەزيدەنت سالتانات راحىمبەكوۆانىڭ جاقىندارىنا كوڭىل ايتتى

پرەزيدەنت قاسىم-جومارت توقاەۆ تانىمال قوعام قايراتكەرى، ەكولوگ، ەكونوميكا عىلىمدارىنىڭ دوكتورى سالتانات تەمىرقۇلقىزى راحىمبەكوۆانىڭ دۇنيەدەن وتۋىنە بايلانىستى ونىڭ جۇبايى، «ۇلتتىق اگرارلىق عىلىمي-ءبىلىم بەرۋ ورتالىعى» كوممەرتسيالىق ەمەس اكتسيونەرلىك قوعامىنىڭ باسقارما توراعاسى تولەۋتاي راحىمبەكوۆكە جانە وتباسى مەن جاقىندارىنا كوڭىل ايتىپ، جەدەلحات جولدادى.

بۇل تۋرالى اقوردانىڭ ءباسپاسوز قىزمەتى حابارلادى.

«سالتانات تەمىرقۇلقىزى ءار جىلدارى قورشاعان ورتانى قورعاۋ، تۇرعىن ءۇي-كوممۋنالدىق شارۋاشىلىعى سالاسىن جەتىلدىرۋ، سونداي-اق، «جاسىل» ەكونوميكانى دامىتۋ باعىتىندا كوپ ءىس اتقاردى. قازاقستاننىڭ كاسىپكەر ايەلدەرى وداعىنىڭ تەڭ ءتورايىمى، قازاقستان ازاماتتىق اليانسىنىڭ پرەزيدەنتى بولىپ، ەلىمىزدەگى ساياسي-قوعامدىق جۇمىستارعا بەلسەندى اتسالىستى. مارقۇمنىڭ جانى ءجانناتتا، يمانى سالامات بولسىن»، – دەلىنگەن جەدەلحاتتا.

 

سوڭعى جاڭالىقتار