1 تامىز, 17:22 696 0 جاڭالىقتار انار لەپەسوۆا

مەملەكەت باسشىسى تۇركيا پرەزيدەنتىنە كورسەتكەن كومەگى ءۇشىن العىس ايتتى

مەملەكەت باسشىسى قاسىم-جومارت توقاەۆ تۇركيا پرەزيدەنتى رەجەپ تايپ ەردوعانمەن تەلەفون ارقىلى سويلەستى، دەپ حابارلايدى اقوردا.

اڭگىمەلەسۋ بارىسىندا پرەزيدەنتتەر ەكى ەلدەگى قازىرگى ەپيدەميولوگيالىق احۋالدى تالقىلادى. قاسىم-جومارت توقاەۆ انكارانىڭ COVID-19 پاندەمياسىنا قارسى ءتيىمدى ءىس-قيمىلدارىن جوعارى باعالاپ، ر.ت.ەردوعانعا گۋمانيتارلىق كومەك كورسەتكەنى ءۇشىن ريزاشىلىعىن ءبىلدىردى. تاراپتار كوروناۆيرۋستىڭ سالدارىن جويۋ جانە داعدارىستان كەيىنگى قالپىنا كەلتىرۋ جۇمىستارىندا كۇش-جىگەرلەرىن ودان ءارى جۇمىلدىرا بەرۋگە ۋاعدالاستى.

ەكى ەلدىڭ پرەزيدەنتتەرى قازاقستان مەن تۇركيا اراسىنداعى ستراتەگيالىق قاتىناستاردىڭ قازىرگى جاعدايى مەن دامۋ پەرسپەكتيۆالارىن قاراستىردى. ەكىجاقتى ساۋدا-ساتتىقتىڭ وڭ قارقىنىن ساقتاۋدىڭ جانە بىرلەسكەن ينۆەستيتسيالىق جوبالاردى، اسىرەسە، دەنساۋلىق ساقتاۋ، «جاڭا ەكونوميكا» جانە اۋىل شارۋاشىلىعى سالالارى بويىنشا باستامالاردى جۇزەگە اسىرۋدىڭ ماڭىزدى ەكەنى اتاپ ءوتىلدى.

اڭگىمەلەسۋ سوڭىندا قاسىم-جومارت توقاەۆ رەجەپ تايپ ەردوعاندى قازاقستانعا رەسمي ساپارمەن كەلۋگە شاقىرعانىن ناقتىلادى.

 

سوڭعى جاڭالىقتار