31 شىلدە, 19:18 772 0 ءبىلىم ارايلىم بيمەنديەۆا

قازاقستاندىق وقۋشىلار حالىقارالىق وليمپيادادان 4 قولا مەدال الدى

قازاقستان قۇراما كومانداسى حيميا پانىنەن حالىقارالىق وليمپياداعا (International Chemistry Olympiad-IchO) قاتىستى. Covid-19 كوروناۆيرۋس پاندەمياسىنا بايلانىستى قاشىقتان وتكەن حالىقارالىق جارىستا قازاقستاندىق قۇراما 4 قولا مەدال جەڭىپ الدى.

وليمپياداعا الەمنىڭ 60 ەلىنەن 200-دەن استام وقۋشى قاتىستى. قازاقستان وسى تۋرنيرگە ىرىكتەۋ تۋرلارى مەن مەندەلەەۆ وليمپياداسىنىڭ جالپى رەيتينگىسىنىڭ ناتيجەلەرى بويىنشا قۇراما كوماندانىڭ مۇشەسى بولعان 4 كونكۋرسانتتى ۇسىندى.

وليمپيادا قورىتىندىسى بويىنشا قۇراما كوماندانىڭ بارلىق مۇشەلەرى قولا مەدالعا يە بولدى.

جەڭىمپازدار قاتارىندا:

  • پاۆلودار قالاسىنداعى حيميا-بيولوگيا باعىتىنداعى «نازارباەۆ زياتكەرلىك مەكتەبى» دببۇ-نىڭ وقۋشىسى قايىربەك حايدار – قولا مەدال;
  • نۇر-سۇلتان قالاسىنداعى حيميا-بيولوگيا باعىتىنداعى «نازارباەۆ زياتكەرلىك مەكتەبى» دببۇ-نىڭ وقۋشىسى مۋجۋباەۆ ءابىلمانسۇر – قولا مەدال;
  • سەيسەنقۇل باقداۋلەت (نۇر-سۇلتان قالاسى دارىندى ەر بالالارعا ارنالعان «ءبىلىم-يننوۆاتسيا» ليتسەي-ينتەرناتىنىڭ وقۋشىسى) – قولا مەدال;
  • الماتى قالاسىنداعى Galaxy حالىقارالىق مەكتەبىنىڭ وقۋشىسى ابدۋگافاروۆا كيبريانۋر – قولا مەدال.

قۇراما كوماندانىڭ جاتتىقتىرۋشىلارى – ق.ساتباەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتىنىڭ حيميالىق ينجەنەريا ماگيسترى ەرنۇر تولەپ پەن «نازارباەۆ ۋنيۆەرسيتەتىنىڭ» ماگيسترانتى ءازىم امانجولوۆتىڭ جۇمىسىنىڭ ارقاسىندا قازاقستاندىق وقۋشىلار حيميا پانىنەن 52-ءشى حالىقارالىق وليمپيادادا ەلىمىزدى لايىقتى دەڭگەيدە كورسەتە ءبىلدى.

جالپى حالىقارالىق حيميالىق وليمپيادا (International Chemistry Olympiad-IChO) – بۇل دارىندى وقۋشىلارعا ارنالعان حيميا ءپانى بويىنشا جىل سايىنعى حالىقارالىق وليمپيادا.

سوڭعى جاڭالىقتار