31 شىلدە, 15:57 528 0 جاڭالىقتار اسىل تۇمار

اتىراۋ شەكاراسىنا ءموبيلدى بەكەتتەر قويىلدى

اتىراۋ قالاسىنىڭ پوليتسەيلەرى قۇربان ايت كەزىندە كارانتين شارالارىنىڭ ساقتالۋىن قاداعالاۋدا.

وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە، قۇرباندىققا شالىناتىن ءىرى جانە ۋاق مالدى اتىراۋ قالاسىنا كىرگىزبەۋ ءۇشىن «اتىراۋ-استراحان»، «اتىراۋ-ورال»، «اتىراۋ-دوسسور»، «اتىراۋ-يندەر» باعىتىنا قاتىنايتىن جول بويىنداعى قاراوزەك، بەرەكە، اقجار اۋىلدارى مەن تەلەمۇنارا تۇسىندا ءموبيلدى بەكەتتەر قويىلعان.

سونداي-اق، مۇنداي ءموبيلدى بەكەت باتىس قازاقستان وبلىسىمەن شەكاراداعى اققالا ەلدى مەكەنىنىڭ تۇسىندا دا بار.

«ازاماتتاردى وبلىس اۋماعىندا كوروناۆيرۋستىق ينفەكتسيانىڭ تارالۋىن، جۇقتىرۋ فاكتىلەرىن ازايتۋعا باعىتتالعان شەكتەۋلەردى، قۇربان ايت مەرەكەسى كۇندەرى ءىس-شارالاردى وتكىزۋگە تىيىم سالۋ تۋرالى قاۋلى تالاپتارىن ورىنداۋعا شاقىرامىز. بۇعان دەيىن جاريالانعان ىندەت جاعدايىندا قۇرباندىق شالۋ الگوريتمىن ساقتاعان دۇرىس»، – دەپ اتاپ ءوتتى اتىراۋ وبلىستىق پوليتسيا دەپارتامەنتىنىڭ باستىعى قامزا ۇمبەتقاليەۆ.

سوڭعى جاڭالىقتار