31 شىلدە, 12:29 810 0 جاڭالىقتار اسىل تۇمار

42 500 تەڭگە: 2,1 ميلليوننان استام ازاماتقا تولەم تاعايىندالدى

سۋرەت عالامتوردان الىندى
سۋرەت عالامتوردان الىندى

ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، 31 شىلدە ساعات 9.00-دەگى جاعداي بويىنشا 42 500 تەڭگە مولشەرىندە بىرجولعى تولەم تاعايىنداۋعا ازاماتتاردان 2,3 ملن-نان استام ءوتىنىش قابىلداندى. تولەم 2 ملن 114 مىڭ ادامعا تاعايىندالدى. اقشالاي قاراجات 2 ملن 98 مىڭ قازاقستاندىققا اۋدارىلدى.

ماسق-تان تولەم الۋعا ءوتىنىم بىرنەشە ارنالار ارقىلى قابىلدانادى. 2,3 ملن-نان استام ءوتىنىمنىڭ ىشىندە:

– 833,3 مىڭ ادام پرواكتيۆتى فورماتتا تولەم تاعايىنداۋعا كەلىسىم بەردى;
– 591,1 مىڭ ادام Egov.kz پورتالى جانە telegram-بوتتار ارقىلى;
– 326,4 مىڭ ادام 42500.enbek.kz پورتالى ارقىلى;
– 607 مىڭ ادام ەكىنشى دەڭگەيدەگى بانكتەردىڭ موبيلدىك قوسىمشالارى مەن ينتەرنەت-رەسۋرستارى ارقىلى ءوتىنىش بەرگەن.

سوڭعى جاڭالىقتار