30 شىلدە, 22:47 555 0 جاڭالىقتار اسىل تۇمار

قۇربان ايت قارساڭىندا «Nur Otan» پارتياسى ازىق-تۇلىك سەبەتىن تاراتتى

قاسيەتتى قۇربان ايت قارساڭىندا «Nur Otan» پارتياسىنىڭ الماتى قالاسى المالى اۋداندىق فيليالىنىڭ ساياسي كەڭەس مۇشەسى دولكۋنتاي ابدۋحاليل اۋداندىق فيليالمەن بىرگە قالاداعى 300-گە جۋىق مەدقىزمەتكەر مەن المالى اۋدانىنىڭ 150 كومەككە اسا مۇقتاج تۇرعىنىنىڭ ارقايسىسىنا سالماعى 30 كەلىنى قۇرايتىن ازىق-تۇلىك سەبەتىن ۇسىنىپ، قولداۋ كورسەتۋگە شەشىم قابىلدادى.

«Nur Otan» پارتياسىنىڭ الماتى قالالىق فيليالىنىڭ ءتوراعاسى، قالا اكىمى باقىتجان ساعىنتاەۆتىڭ تاپسىرماسى بويىنشا مەدمەكەمەلەر مەن قىزمەتكەرلەردى قولداۋ ماقساتىندا بىرقاتار شارالار وتكىزىلۋدە. مۇنداي يگىلىكتى ىستەن پارتيا مۇشەلەرى، كاسىپكەرلەر مەن مەتسەناتتار دا شەت قالمادى. د.ابدۋحاليل پاندەميا باستالعالى بەرى ەلىمىزگە 94 ميلليون تەڭگەنىڭ قايىرىمدىلىق كومەگىن كورسەتتى. ول بۇل جولى پارتيانىڭ اۋداندىق فيليالىمەن بىرگە قالانىڭ 300-گە جۋىق مەدقىزمەتكەرلەرى مەن المالى اۋدانىنىڭ كومەككە اسا مۇقتاج 150 تۇرعىنىنىڭ ارقايسىسىنا سالماعى 30 كەلىلىك ازىق-تۇلىك سەبەتءىن ۇسىندى.

سەبەتتە ۇن، قانت، كۇنباعىس مايى، ماكارون ءونىمدەرى، كۇرىش پەن قاراقۇمىق بار. بۇكىل ەلدىڭ باسىنا قيىندىق تۇسكەن سىن ساعاتتا بۇل كومەك دارىگەرلەردىڭ كوڭىلىن كوتەرىپ، ۇلكەن قولداۋ بارىن سەزىندىردى. مەتسەناتقا ازىق-تۇلىك سەبەتى تابىستالعان وتباسىلار اتىنان گۇلميرا ساتىبالديەۆا العىس ءبىلدىردى. ول سەگىز بالانى جالعىز ءوزى تاربيەلەپ وتىر. بالالاردىڭ ەڭ كىشىسى 1,5 جاستا.

«ءبىزدى ۇمىتپاي، ۇنەمءى قولداۋ ءبىلدىرىپ، كومەك كورسەتىپ جاتقانى ءۇشىن مەنىڭ «Nur Otan»پارتياسىنا ايتار العىسىم شەكسىز. مەن 50 مىڭ تەڭگە ماتەريالدىق كومەك الدىم. ەندى قاسيەتتى مەرەكەنىڭ قارساڭىندا ولار تاعى دا مەنىڭ ۇلكەن وتباسىما كومەكتەستى»، – دەدى كوپبالالى انا.


ءدال سول كۇنى پارتيالىقتار قالالىق №7 كلينيكالىق اۋرۋحانادا تاعى دا بولىپ، ولارعا 3 وتتەگى كونتسەنتراتورىن تابىستادى. ەسكە سالا كەتسەك، وسىعان دەيءىن «شۇعىلا» قوعامدىق قورىنىڭ مەتسەناتتارى اۋرۋحاناعا 8 اسا قاجەتتى اپپاراتتاردى تابىستاعان بولاتىن. بۇل جولعى باستاما پارتيا مۇشەسى، «جولترانسسەرۆيس-2006» كومپانياسىنىڭ ديرەكتورى ەسەنگەلدى تالبيدينوۆتىڭ تاراپىنان بولعان ەدى.

«بۇگىندە ءبىزدىڭ ەلءىمىز كوروناۆيرۋس ينفەكتسياسىنىڭ تارالۋىنا بايلانىستى قيىن شاقتى باسىنان وتكىزىپ وتىر. اسىرەسە, ءبىرىنشى كۇننەن الدىڭعى قاتاردا جۇرگەن دارىگەرلەرگە قيىن ەكەنى راس. مەن كاسءىپكەر، ءوز ەلىمنىڭ ازاماتى رەتىندە وسىنداي ساتتە قولۇشىن بەرمەي شەت قالا المادىم. ءبىز مەدۇيىمدارعا كءۆى جۇقتىرعان ناۋقاستاردى قۇتقارۋ ءۇشىن ءدال قازىر اسا قاجەت وتتەگى كونتسەنتراتورلارىن الدىق. ودان بولەك جاقىن كۇندەرى اپپاراتتاردى ەلىمىزدىڭ شەت اۋداندارىنا جىبەرۋدى جوسپارلاپ وتىرمىز»، – دەدى مەتسەنات.


«ءبىز مەتسەناتتارعا، ناۋرىزباي اۋدانى اكىمشىلىگىنە، سونداي-اق «Nur Otan» پارتياسىنا تۇراقتى قولداۋ مەن كومەگى ءۇشىن العىس ايتامىز. بۇگىنگى كۇنگە دەيىن قايىرىمدى جانداردان 13 وتتەگى كونتسەنتراتورىن الدىق»، – دەدى №7 قالالىق كلينيكالىق اۋرۋحانانىڭ باس دارىگەرى سەرىكجان سابىراليەۆ.

گۇلنار جۇمابايقىزى

سوڭعى جاڭالىقتار