30 شىلدە, 19:51 466 0 جاڭالىقتار اسىل تۇمار

كوروناۆيرۋس جۇقتىرعان 120 مەديتسينا قىزمەتكەرىنە وتەماقى تولەندى

قازاقستاندا كوروناۆيرۋس جۇقتىرىپ، قايتىس بولعان 71 مەديتسينا قىزمەتكەرىنىڭ تۋعان-تۋىستارىنان وتەماقى الۋعا ءوتىنىش ءتۇستى، – دەپ جازدى قازاقپارات.

«ەڭبەك جانە الەۋمەتتىك قورعاۋ مينيسترلىگىمەن حابارلاستىق. ول مينيسترلىككە دەنساۋلىق ساقتاۋ مينيسترلىگىنەن ءوتىنىم بەرگەن دارىگەرلەردىڭ ءتىزىمى تۇسەدى. بۇگىنگى كۇننىڭ وزىندە 123 دارىگەردىڭ ءوتىنىشى قاناعاتتاندىرىلدى. 123 ادامنىڭ 120-سى وتەماقىنى تولىقتاي الدى. ال قايتىس بولعان مەديتسينالىق قىزمەتكەرلەرگە قاتىستى ايتار بولسام، 71 ءوتىنىش كەلىپ تۇسكەن. ول ازاماتتاردىڭ ءتىزىمىن دەنساۋلىق ساقتاۋ مينيسترلىگى ەڭبەك جانە الەۋمەتتىك قورعاۋ مينيسترلىگىنە جولدادى. جاقىن كۇندەرى ولار (قايتىس بولعان مەديتسينالىق قىزمەتكەرلەردىڭ تۋعان-تۋىستارى) قاراجاتتى الاتىن بولادى»، – دەدى ۇكىمەت باسشىسىنىڭ ورىنباسارى ەرالى توعجانوۆ.

ۇكىمەت باسشىسىنىڭ ورىنباسارى ءوتىنىش تۇسكەن كۇننەن باستاپ ۋاقىت وزدىرماي وتەماقىنى بىردەن بەرۋ ماسەلەسى شەشىلىپ جاتقانىن ايتتى.

سوڭعى جاڭالىقتار