30 شىلدە, 14:24 4627 0 قوعام انار لەپەسوۆا

كوروناۆيرۋس سۋدا قانشا ۋاقىت بەلسەندىلىگىن ساقتايتىنى انىقتالدى

رەسەي عالىمدارى كوروناۆيرۋستىڭ سۋداعى بەلسەندىلىگى قانشا ۋاقىتتا جويىلاتىنىن انىقتادى، دەپ حابارلايدى ريا نوۆوستي.

روسپوترەبنادزوردىڭ "ۆەكتور" ورتالىعىندا جۇرگىزىلگەن زەرتتەۋ ناتيجەسىنە سۇيەنسەك، كوروناۆيرۋستىڭ بارلىق دەرلىك بولشەگى (90%) بولمە تەمپەراتۋراسىنداعى سۋدا 24 ساعات، ال 99,9%-ءى 72 ساعاتتىڭ ىشىندە ولەدى ەكەن.

ماماندار حلورسىز سۋدا جانە تەڭىز سۋىندا ۆيرۋس كوبەيمەيتىنىن، بىراق ومىرشەڭدىگىن ساقتايتىنىن انىقتادى. كوروناۆيرۋس بەلسەندىلىگىنىڭ جويىلۋ ۋاقىتى سۋ تەمپەراتۋراسىنا تاۋەلدى. قايناعان سۋدا جانە حلورلانعان سۋدا ۆيرۋس جويىلادى.

ايتا كەتەيىك، دجونس حوپكينس ۋنيۆەرسيتەتىنىڭ سوڭعى دەرەگى بويىنشا الەمدە كوروناۆيرۋس جۇقتىرعاندار سانى 17 ميلليوننان اسىپ جىعىلدى. ىندەتتەن 667 مىڭنان اسا ادام قايتىس بولدى.

بۇگىنگى كۇنگە دەيىن قازاقستاندا قاتەرلى ۆيرۋس 88 مىڭعا جۋىق ادامنان انىقتالدى. 57 مىڭنان اسا ادام ەمدەلىپ شىقتى. 793 وتانداسىمىز كوز جۇمدى.

سوڭعى جاڭالىقتار