16 شىلدە, 13:20 786 0 جاڭالىقتار انار لەپەسوۆا

ەلىمىزدە كوروناۆيرۋستان 51 مەديتسينا قىزمەتكەرى قايتىس بولدى

ەلىمىزدە كوروناۆيرۋس ىندەتىنەن 51 مەديتسينا قىزمەتكەرى كوز جۇمعان. بۇل تۋرالى قر دسم تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ توراعاسى تيمۋر سۇلتانعازيەۆ ايتتى. 

«ءبىزدىڭ مالىمەتكە سايكەس، 51 مەديتسينا قىزمەتكەرى كوز جۇمعان. ولاردىڭ تۋعان-تۋىستارى مەن جاقىندارىنىڭ قايعىسىنا ورتاقتاسا وتىرىپ، كوڭىل ايتامىز. مەملەكەت باسشىسى 13 شىلدەدە ومىردەن وتكەن ارىپتەستەرىمىزدى مەملەكەتتىك ناگرادالارمەن ماراپاتتادى، 42 مەديتسينا قىزمەتكەرى ماراپات الدى. وتەماقىعا كەلسەك، ءاربىر جاعدايدى جەكە زەرتتەيتىن ءتيىستى مەحانيزم بار. وسىدان كەيىن اقپارات دەنساۋلىق ساقتاۋ مينيسترلىگىنە جولدانادى. دەنساۋلىق ساقتاۋ مينيسترلىگى اقپاراتتى تەكسەرىپ، مالىمەتتەردى ەڭبەك جانە حالىقتى الەۋمەتتىك قولداۋ مينيسترلىگىنە جولدايدى. سودان كەيىن مەملەكەتتىك الەۋمەتتىك ساقتاندىرۋ قورىنان تولەم اۋدارىلادى»، - دەدى كوميتەت باسشىسى.

ەسكە سالا كەتەيىك، بۇعان دەيىن تيمۋر سۇلتانعازيەۆ قازاقستاندا كوروناۆيرۋسقا شالدىققان 306 ادامنىڭ جاعدايى اۋىر ەكەنىن مالىمدەگەن بولاتىن. ونىڭ ىشىندەگى 41 ناۋقاستىڭ احۋالىن ماماندار وتە اۋىر دەپ باعالاپ وتىر.

 

سوڭعى جاڭالىقتار