16 شىلدە, 13:14 382 0 جاڭالىقتار انار لەپەسوۆا

StopFake: اقپاراتتىڭ شىن نە جالعان ەكەنىن انىقتايتىن سايت ىسكە قوسىلدى

اقپارات جانە قوعامدىق دامۋ مينيسترلىگى www.stopfake.kz جاڭا ينتەرنەت-رەسۋرسىن ىسكە قوستى.

ۆەدوموستۆونىڭ حابارلاۋىنشا، بۇل سايت فاكتىلەردى مۇقيات تەكسەرىپ، اقپاراتتاردىڭ شىن-جالعانىن انىقتاپ، ناتيجەسىندە ولاردىڭ فەيك، مانيپۋلياتسيا، ارانداتۋ جانە ت.ب. ەكەندىگىن جاريالايدى.

StopFake بۇقارالىق اقپارات قۇرالدارىندا، الەۋمەتتىك جەلىلەردە، مەسسەندجەرلەردە، بايلانىس كانالدارىندا تاراتىلعان اقپاراتتاردىڭ شىنايىلىعىن انىقتاپ، تالداپ، زەرتتەۋ ناتيجەلەرىن كورسەتەدى.

سايتتا «جالعان اقپارعا شاعىمدانۋ» فۋنكتسياسى بار، ول ارقىلى كەز كەلگەن ادام رەداكتسياعا حات جولداپ، اقپاراتتىڭ مۇمكىن ەمەستىگى تۋرالى شاعىم جىبەرە الادى. رەداكتورلار ونىڭ جالعاندىق دارەجەسىن انىقتاپ، بۇل تۋرالى جاڭالىقتاردى ۆەب-سايتقا جاريالايدى.

جالپى العاندا، StopFake قوعامدى دۇرىس اقپاراتتاندىرۋعا، اقپاراتتىق مانيپۋلياتسيالارمەن كۇرەسۋگە جانە قاتە، جالعان حابارلامالاردىڭ اقپاراتتىق تازالىعىنا باعىتتالعان.

 

سوڭعى جاڭالىقتار