16 شىلدە, 12:24 502 0 زاڭ انار لەپەسوۆا

ءجاسوسپىرىمدى زورلاعان قاسكوي پوليتسەيلەردەن قاشۋ كەزىندە 12 قاباتتان سەكىرىپ كەتتى

سۋرەت ينتەرنەتتەن الىندى
سۋرەت ينتەرنەتتەن الىندى

الماتىدا ءۇي توناپ، كامەلەتكە تولماعان ءجاسوسپىرىمدى زورلادى دەپ كۇدىكتەلگەن ەر ازامات قۇقىق قورعاۋ ورگاندارى قىزمەتكەرلەرىنەن قاشۋ كەزىندە 12 قاباتتان سەكىرىپ كەتكەن.

بۇل تۋرالى Polisia.kz حابارلادى.

پوليتسيا قىزمەتكەرلەرى ەكىباستۇزدان كەلگەن 31 جاستاعى ازاماتتى كامەلەتتىك جاسقا تولماعانعا قاراقشىلىق شابۋىل جاسادى جانە زورلادى دەگەن كۇدىكپەن ۇستاعان.

"بۇل قىلمىس 11 شىلدەدە جەكە سەكتور اۋماعىندا بولدى. تۇسكى ۋاقىتتا بەلگىسىز بىرەۋ پوكروۆسكايا كوشەسىندەگى ۇيلەردىڭ بىرىنە كىرگەن. سول ساتتە ۇيدە 4 جاسار ۇل بالا مەن ونىڭ 15 جاستاعى اپكەسى بولعان. قاسكوي ولاردى پىشاقپەن قورقىتىپ، 17 مىڭ دوللاردى يەمدەنىپ، سودان كەيىن قىزدى قورلاعان. وسى اسا اۋىر قىلمىستى اشۋ ءۇشىن ارنايى تەرگەۋ-جەدەل توبى قۇرىلدى. جەدەل جانە ارنايى شارالاردىڭ ناتيجەسىندە كۇدىكتىنىڭ جاسىرىنعان مەكەن-جايى انىقتالدى. ول پاتەر ءال-فارابي داڭعىلىنداعى تۇرعىن ءۇي كەشەندەرىنىڭ ءبىرىنىڭ 12-قاباتىندا ورنالاسقان. قاماۋعا الۋ كەزىندە ش. قاشىپ كەتۋگە تىرىستى.  ول اشىق تەرەزەدەن سەكىرىپ ءتۇسىپ، تومەندەگى قاباتتاعى تەرراساعا قۇلادى، ونىڭ ارتىنان ءوز ومىرىنە قاۋىپ ءتوندىرىپ، پوليتسيا مايورى باقىتجان باكيروۆ جۇگىرىپ كەتتى. اياعى سىنعانىنا قاراماستان، ول كۇدىكتىنى ۇستاپ، قاشىپ كەتۋىنە جول بەرمەدى", - دەيدى تۇركسىب اۋداندىق پوليتسيا باسقارماسىنىڭ باسشىسى ەركىن امانتاەۆ.

قازىرگى ۋاقىتتا تەرگەۋ قىلمىستىق كودەكستىڭ ەكى بابى: قر قك 192-بابى 4-بولىگى جانە قر قك 120-بابى 4-بولىگى بويىنشا جۇرگىزىلۋدە. كۇدىكتى ۋاقىتشا ۇستاۋ اباقتىسىنا قامالدى.

سونىمەن بىرگە، الماتى قالالىق پوليتسيا دەپتارمەنتى اسا قاۋىپتى قىلمىسكەردى ۇستاۋدا كورسەتكەن قايسارلىعى ءۇشىن مايور باكيروۆ ماراپتقا ۇسىنىلاتىنىن ايتتى.

سوڭعى جاڭالىقتار