16 شىلدە, 10:38 356 0 جاڭالىقتار انار لەپەسوۆا

ەلوردادا زارارسىزداندىرۋ جۇمىستارى جالعاسۋدا

ەلوردادا زارارسىزداندىرۋ جۇمىستارى جالعاسۋدا. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.

ادام كوپ جينالاتىن ورىندارعا: ساياباقتاردى، تىنىمباقتاردى، بۋلۆارلاردى جانە ت.ب. زارارسىزداندىرۋعا ەرەكشە كوڭىل بولىنەدى.

قالانى وڭدەۋگە كوممۋنالدىق قىزمەتتەرمەن بىرگە اسكەري قىزمەتكەرلەر، تجد قىزمەتكەرلەرى جانە مامانداندىرىلعان كومپانيالاردىڭ قىزمەتكەرلەرى قاتىستى.

زارارسىزداندىرۋ جۇمىستارى جاياۋ تارتىپتە دە، ارنايى ماشينالاردىڭ كومەگىمەن دە جۇرگىزىلىپ جاتىر. سونداي-اق ساۋدا ويىن ساۋىق ورتالىقتارىنىڭ، ساۋدا ۇيلەرىنىڭ، بازارلاردىڭ باسشىلارى سانيتارلىق دارىگەردىڭ قاۋلىسىنا سايكەس ءوز اۋماعىندا زارارسىنداندىرۋ جۇرگىزۋى ءتيىس.

ەستەرىڭىزگە سالا كەتەيىك، مەملەكەتتىك كوميسسيانىڭ شەشىمىمەن ەپيدەميالىق احۋالدى تۇراقتاندىرۋ ءۇشىن شەكتەۋ شارالارى 2 تامىزعا دەيىن ۇزارتىلدى. قالا تۇرعىندارى سانيتارلىق نورمالاردى قاتاڭ ساقتاۋ كەرەك. بەتپەردە تاعىپ، انتيسەپتيكتەر قولدانىپ، الەۋمەتتىك قاشىقتىقتى ساقتاعان ءجون.

سوڭعى جاڭالىقتار