15 شىلدە, 21:22 416 0 جاھان انار لەپەسوۆا

دۇكەنگە ماسكاسىز كىرگەندەر ايىپپۇل ارقالايدى

سۋرەت ينتەرنەتتەن الىندى
سۋرەت ينتەرنەتتەن الىندى

دارىحاناعا نەمەسە دۇكەنگە ماسكا تاقپاي كىرگەندەرگە ايىپپۇل سالىنادى. بۇل تۋرالى ادىلەت ءمينيسترى مارات بەكەتاەۆ مالىمدەدى.

«كوشەگە شىعىپ جۇگىرۋگە، سەرۋەندەۋگە بولادى. ءۇش ادامعا دەيىن جۇرگەندەرگە ەشقانداي جاۋاپكەرشىلىك جۇكتەلمەيدى. ءتىپتى ءسىز دالاعا ماسكاسىز شىقساڭىز دا ەشقانداي جاۋاپكەرشىلىككە تارتىلمايسىز. الايدا ەگەر دۇكەنگە نەمەسە دارىحاناعا ماسكاسىز كىرسەڭىز، جاۋاپكەرشىلىك بولادى. ويتكەنى ول – جابىق نىسان»، - دەپ ءتۇسىندىردى مينيستر.

ايتا كەتەيىك، بۇعان دەيىن مارات بەكەتاەۆ كارانتيندىك شەكتەۋلەرگە قاراماستان توي-تومالاق وتكىزگەندەرگە قانداي جازا قولدانىلاتىنىن ايتقان بولاتىن.

ءمينيستردىڭ سوزىنشە، العاشقى جاعدايدا ايىپتالۋشىعا 83 مىڭ تەڭگە كولەمىندە ايىپپۇل سالىنادى. ەگەر مۇنداي شارالار جاساۋ بارىسىندا ازاماتتار جاپپاي ۆيرۋس جۇقتىرسا، ايىپپۇلدىڭ كولەمى ايتارلىقتاي كوپ بولادى. ال وقيعانىڭ سالدارى جاعىمسىز جاعدايعا اپارسا، قىلمىستىق ءىس قوزعالۋى ىقتيمال.

 

 

سوڭعى جاڭالىقتار