15 شىلدە, 17:11 363 0 نۇر وتان انار لەپەسوۆا

جاسوتاندىقتار دارىگەرلەرگە «العىس پاكەتتەرىن» ۇلەستىردى

كوروناۆيرۋسقا قارسى كۇرەس كەزىندە وتاندىق دارىگەرلەردى قولداۋ اياسىندا جاسوتاندىقتار نۇر-سۇلتان جانە الماتى قالالارىندا «العىس پاكەتتەرىن» تاراتۋ اكتسياسىن ۇيىمداستىردى.

ءاربىر وسى پاكەتتە دارىگەرلەرگە ارنالعان ۆيتاميندەر مەن پايدالى قاسيەتتەرى بار ونىمدەردىڭ وننان استام ءتۇرى سالىنعان. پاكەتتەرگە اتالعان ونىمدەر دارىگەرلەردىڭ ۇسىنىسى بويىنشا سالىنعانىن اتاپ ءوتۋ كەرەك.

ۆولونتەردىڭ ايتۋىنشا، بۇل اكتسيا ەلىمىزدىڭ بارلىق وڭىرلەرىندە جالعاسىن تابۋدا.

«بۇگىن ءبىز، جاسوتاندىقتار، ءبىزدىڭ ەرجۇرەك دارىگەرلەرىمىز ءۇشىن اكتسيا ۇيىمداستىردىق. ويتكەنى، ولار بۇكىل قوعامدى ابىگەرگە سالعان كوروناۆيرۋس پاندەمياسىمەن كۇندەلىكتى كۇرەسۋدە. ءاربىر پاكەتتە ۆيتاميندەر مەن مينەرالدار بار پايدالى ونىمدەر سالىنعان. سونداي-اق، بۇل اكتسيانى وڭىرلەردە ءبىزدىڭ ەرىكتىلەر جالعاستىراتىن بولادى. ءبىز بۇل اۋرۋدى بىرلەسىپ جەڭەمىز دەپ سەنەمىن»، - ايداربەك باقداۋلەت

«Jas Otan» جق 100-دەن استام ەرىكتىسى بىرنەشە اپتا بويى ءوز وتباسىلارىنان وقشاۋلاۋعا ءماجبۇر بولعان ورتا بۋىن مەديتسينا قىزمەتكەرلەرى ءۇشىن «العىس پاكەتتەرىن» تاراتۋدى ۇيىمداستىرۋدى جوسپارلاپ وتىر. قازىرگى ۋاقىتتا نۇر-سۇلتان قالاسىندا كوروناۆيرۋسقا قارسى كۇرەستە 2,5 مىڭنان استام مەديتسينا قىزمەتكەرى، الماتىدا 4 مىڭ مەديتسينا قىزمەتكەرى جۇمىس ىستەيدى.

سوڭعى جاڭالىقتار