15 شىلدە, 15:53 497 0 ءبىلىم انار لەپەسوۆا

اق ءۇي شەتەل ستۋدەنتتەرىن ەلدەن شىعارۋ تۋرالى شەشىمىن وزگەرتتى

اقش بيلىگى قاشىقتان وقىپ جاتقان شەتەلدىك ستۋدەنتتەردى ءوز ەلدەرىنە قايتارۋ تۋرالى شەشىمىنەن باس تارتتى.

«امەريكا داۋىسىنىڭ» حابارلاۋىنشا، بىرقاتار شتات باسشىلىعى جانە ەلدەگى جوعارى وقۋ ورىندارى بيلىكتىڭ شەشىمىنە شاعىم تۇسىرگەن. كوپشىلىكتىڭ نارازىلىعىنان سوڭ اق ءۇي ءوز شەشىمىن وزگەرتتى.

بيلىكتىڭ ۇستىنەن شاعىمدانعاندار قاتارىندا گارۆارد جانە ماسساچۋسەتس تەحنولوگيا ينستيتۋتى دا بار. سونداي-اق، شەتەل ستۋدەنتتەرىن ەل اۋماعىنان شىعارۋعا 20 شتات نارازىلىق ءبىلدىردى. ونداعان ءىرى كومپانيا، سونىڭ ىشىندە Google, Facebook جانە Twitter, كوللەدجدەر مەن ۋنيۆەرسيتتەر سوتتارعا اقش پرەزيدەنتىنىڭ تالابى زاڭعا قايشى ەكەنىن دالەلدەيتىن ايعاقتار ۇسىنعان.

گارۆارد ۋنيۆەرسيتەتىنىڭ اق ءۇي اكىمشىلىگىنىڭ ۇستىنەن تۇسىرگەن شاعىمىن قاراعان ماسساچۋسەتس شتاتىنىڭ سۋدياسى ەلليسون بەرروۋز ەرەجە زاڭعا اق ءۇيدىڭ شەشىمىن زاڭعا قايشى دەپ تاپتى.

جاڭا وقۋ ماۋسىمىندا گارۆاردتاعى ساباقتاردىڭ بارلىعى ونلاين فورماتتا وتپەك. پرەزيدەنت دونالد ترامپ كۇزدە بارلىق مەكتەپتەردىڭ اشىلۋىن تالاپ ەتىپ، گارۆارد ۋنيۆەرسيتەتىنىڭ جوسپارىن "ورىنسىز" دەپ اتاعان بولاتىن.

ايتا كەتەيىك، دجونس حوپكينس ۋنيۆەرسيتەتىنىڭ سوڭعى دەرەگى بويىنشا اقش-تا كوروناۆيرۋس جۇقتىرعاندار سانى 3,4 ميلليوننان اسىپ جىعىلدى. ەلدە ىندەتتەن 136 مىڭنان اسا ناۋقاس كوز جۇمدى.

مامانداردىڭ بولجامى بويىنشا، الداعى 2-3 اپتادا قۇراما شتاتتاردا ءولىم-ءجىتىم كوبەيە ءتۇسۋى مۇمكىن. ەلدىڭ دەنساۋلىق ساقتاۋ ءمينيسترىنىڭ كومەكشىسى برەتت جيرۋاردىڭ ايتۋىنشا، كۇزدە ىندەتتىڭ ەكىنشى تولقىنىنىڭ باستالۋ ىقتيمالدىعى جوعارى. ويتكەنى ۆيرۋس تۇرعىنداردىڭ 90 پايىزىن ءالى شارپىپ ۇلگەرمەگەن.

سوڭعى جاڭالىقتار