15 شىلدە, 15:10 430 0 ەكونوميكا انار لەپەسوۆا

جانار-جاعارماي يمپورتىنا سالىنعان تىيىم قىركۇيەككە دەيىن ۇزارتىلدى

قازاقستان جانار-جاعارماي ماتەريالدارىنىڭ يمپورتىنا سالىنعان تىيىمدى ۇزارتىپ وتىر. بۇل شارا  ۋاقىتشا ءارى 2020 جىلعى 1 قىركۇيەككە دەيىن كۇشىندە بولادى.

بۇل تۋرالى قر ەنەرگەتيكا مينيسترلىگىنىڭ ءباسپاسوز قىزمەتى حابارلادى.

«رەسەي فەدەراتسياسىنان قازاقستان رەسپۋبليكاسىنا مۇناي ونىمدەرىن جەتكىزۋدىڭ كەيبىر ماسەلەلەرى تۋرالى» قر ەنەرگەتيكا ءمينيسترىنىڭ وسى جىلدىڭ 27 ناۋرىزىنداعى بۇيرىعىن ۋاقتىلى بەكىتۋ - وندىرىلەتىن جانە تۇتىنىلاتىن مۇناي ونىمدەرىنىڭ كولەمى اراسىنداعى ىڭعايلى تەڭگەرىمدى قامتاماسىز ەتۋگە مۇمكىندىك بەردى. سونىمەن قاتار بۇگىنگى تاڭدا ىشكى نارىقتاعى مۇناي ونىمدەرىنىڭ قورلارى ەداۋىر جوعارى دەڭگەيدە»، - دەلىنگەن مينيسترلىك حابارلاماسىندا.

قوسىمشا يمپورتتىق وتىن كولەمى تۇسەتىن بولسا، بۇل وتاندىق مۇناي وڭدەۋگە كەرى اسەر ەتۋى مۇمكىن.

اتاپ ايتقاندا:

- قازاقستاندىق ءموز-دەن مۇناي ونىمدەرىن تيەپ-جونەلتۋ كولەمىن تومەندەتۋى ىقتيمال;

- زاۋىتتىق رەزەرۆۋارلىق پاركتەردىڭ، سونداي-اق ەلدەگى بارلىق مۇناي ساقتاۋ بازالارىنىڭ تولىپ كەتۋىنە اكەلەدى;

- سونىڭ سالدارىنان، مۇناي وڭدەۋدى ءماجبۇرلى تۇردە تومەندەتۋگە اكەپ سوعادى.

بۇل ديزەل جانە اۆياتسيالىق وتىن سياقتى مۇناي ونىمدەرىنىڭ باسقا دا باعالى تۇرلەرىن ءوندىرۋدى تومەندەتۋگە الىپ كەلەدى.

«ەلىمىزدىڭ ەنەرگەتيكالىق قاۋىپسىزدىگىن قامتاماسىز ەتۋ ءۇشىن ەنەرگەتيكا مينيسترلىگى قازاقستان رەسپۋبليكاسىنا تەمىرجول، اۆتوموبيل جانە قۇبىرجول كولىگىمەن بەنزين، اۆياتسيالىق جانە ديزەل وتىنىن اكەلۋگە تىيىم سالۋدى ەنگىزۋدە. بۇل شارا ۋاقىتشا ەكەنىن، ءارى 2020 جىلعى 1 قىركۇيەككە دەيىن قولدانىلاتىنىن اتاپ وتكەن ءجون»، - دەپ قايتالادى مينيسترلىكتەن.

 

سوڭعى جاڭالىقتار