15 شىلدە, 12:59 422 0 جاڭالىقتار اسىل تۇمار

كوروناۆيرۋسپەن كۇرەس: قازاقستان تاجىكستانعا گۋمانيتارلىق كومەك كورسەتەدى

قازاقستان تاجىكستانعا ءپورتاتيۆتى وكپەنى جاساندى جەلدەتۋ اپپاراتتارىن بەرمەك. بۇل تۋرالى ورتالىق كوممۋنيكاتسيالار قىزمەتىندەگى بريفينگ بارىسىندا قر دەنساۋلىق ساقتاۋ ۆيتسە-ءمينيسترى ليۋدميلا بيۋرابەكوۆا ايتتى، –دەپ جازدۆ قازاقپارات.

«قازىرگى ۋاقىتتا بارلىق ەل ءبىر-بىرىنە كومەك كورسەتىپ جاتىر. ەلىمىزگە دە باسقا مەملەكەتتەر گۋمانيتارلىق كومەك بەرۋدە. قازاقستان ۇكىمەتى تاجىكستانعا جىل سوڭىنا قاراي ءپورتاتيۆتى وكپەنى جاساندى جەلدەتۋ اپپاراتى تۇرىندەگى گۋمانيتارلىق كومەك كورسەتۋ ماسەلەسىن قاراستىرۋدا. بۇل ءپورتاتيۆتى اپپارات ەكەندىگىن اتاپ وتكىم كەلەدى. ول پاتسيەنتتى جەدەل جاردەم كولىگىمەن تاسىمالداۋ ءۇشىن قولدانىلادى»، – دەدى ۆيتسە-مينيستر.

ونىڭ اتاپ وتۋىنشە، ءپورتاتيۆتى وكپەنى جاساندى جەلدەتۋ اپپاراتى ەلىمىزدە، اقمولا وبلىسىندا شىعارىلادى.

«بۇگىندە اتالعان ءوندىرۋشى ءوزىنىڭ وندىرىستىك قۋاتىن ارتتىرىپ وتىر. كاسىپورىن تۇركيالىق كومپانيامەن بىرگە ءپورتاتيۆتى وكپەنى جاساندى جەلدەتۋ اپپاراتىنان بولەك قازىرگى ۋاقىتتا بىزگە اسا قاجەتتى بولىپ وتىرعان ستاتسيونارلىق وكپەنى جاساندى جەلدەۋ اپپاراتىن شىعارۋدى جوسپارلاۋدا. ءوندىرىس تاياۋ ارالىقتا جولعا قويىلادى جانە جىلدىڭ سوڭىنا دەيىن ەلىمىزدىڭ بارلىق اۋرۋحانالارىنا قاجەتتى ءپورتاتيۆتى جانە ستاتسيونارلىق وكپەنى جاساندى جەلدەتۋ اپپاراتتارمەن قامتاماسىز ەتەدى»، – دەدى ليۋدميلا بيۋرابەكوۆا.

سوڭعى جاڭالىقتار