15 شىلدە, 10:35 413 0 جاڭالىقتار اسىل تۇمار

كارانتين كەزىندە قانشا ادام جۇمىسسىز قالدى – مينيستر جاۋابى

قر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ەلىمىزدە ىندەت كەزىندە ورىن العان جۇمىسسىزدىق پروبلەماسىنا قاتىستى پىكىر ءبىلدىردى.

«بۇل مەن ءۇشىن دە كۇردەلى ساۋال بولىپ تۇر. ويتكەنى، بىزدەگى جۇمىسسىزدىق دەڭگەيى مەن جۇمىسسىزدار سانىن قر ۇلتتىق ەكونوميكا مينيسترلىگىنىڭ ستاتيستيكا كوميتەتى قاداعالاپ وتىرادى. وكىنىشكە قاراي، ولار ءالى رەسمي دەرەكتەردى جاريالاعان جوق. ەكىنشى توقساننىڭ مالىمەتتەرى 12 تامىزعا قاراي بولادى. دەگەنمەن، ءبىز ەڭبەك نارىعىنا باعدارلانۋعا ءتيىسپىز. ەكىنشى جاعىنان جۇمىسپەن قامتۋ ورتالىقتارىنا تىركەلۋ دە جۇمىسسىزدىق دەڭگەيىنىڭ بەينەسىن كورسەتە الادى. سوندىقتان ءبىز ءوزىمىز دە باعالاپ جاتامىز. ءار ءوڭىردىڭ سانيتار دارىگەرىنىڭ شەشىمىن، قانداي كاسىپورىندار قىزمەتى شەكتەلگەنىن، وندا قانشا ادام جۇمىس ىستەپ جاتقانىن قاپەرگە الامىز»، – دەدى مينيستر.

ونىڭ ايتۋىنشا، ەلىمىزدە جۇمىسسىزدىق دەڭگەيى ءساۋىر ايىندا شىرقاۋ شەگىنە جەتكەن. سول ايدا رەسپۋبليكادا 4 ملن 200 مىڭ ادام جۇمىسسىز قالعان.

«ودان كەيىن شەكتەۋلەر الىنعان جوق، جۇمىسسىزدىق دەڭگەيىن 1 ملن 145 مىڭ ادام دەڭگەيىندە باعالادىق. ماۋسىمدا ءبىرشاما ەركىندىك بولىپ، جۇمىسسىزدار سانى شامامەن 735 مىڭ ادامعا دەيىن تومەندەدى. شىلدەدە شەكتەۋ شارالارى كۇشەيتىلدى. شامامەن 1 ميلليونعا جۋىق ادام جۇمىسسىز قالار دەپ ويلادىق. قازىر كارانتين جالعاسۋدا جانە ايدىڭ سوڭىندا باعا بەرەمىز»، – دەدى ءبىرجان نۇرىمبەتوۆ.

سوڭعى جاڭالىقتار