14 شىلدە, 21:12 569 0 ءبىلىم انار لەپەسوۆا

ءبىلىم گرانتىنا ۇمىتكەرلەر قانداي قۇجاتتار تاپسىرۋى ءتيىس – بعم ءتۇسىندىردى

سۋرەت ينتەرنەتتەن الىندى
سۋرەت ينتەرنەتتەن الىندى

ەلىمىزدەگى كارانتينگە بايلانىستى تالاپكەرلەردەن ءبىلىم گرانتىن تاعايىنداۋ كونكۋرسىنا قاتىسۋ جونىندەگى ءوتىنىش قابىلداۋ مەرزىمى 25 شىلدەگە دەيىن ۇزارتىلدى. 

ءبىلىم جانە عىلىم مينيسترلىگىنىڭ مالىمەتىنە سۇيەنسەك، مەملەكەتتىك ءبىلىم گرانتىن تاعايىنداۋ كونكۋرسىنا قاتىسۋ ءۇشىن تالاپكەر Egov.kz ەلەكتروندى ۇكىمەت پورتالى ارقىلى ءوتىنىش، ءبىلىمى تۋرالى قۇجات (اتتەستات) جانە جەكە كۋالىك كوشىرمەسىن وتكىزۋى قاجەت. ال مەديتسينالىق انىقتامالار ازىرگە تالاپ ەتىلمەيدى.

مامانداردىڭ ايتۋىنشا، ۇبت سەرتيفيكاتى جۇيەدە اۆتوماتتى تۇردە پايدا بولادى، سوندىقتان ونى Egov.kz-كە جۇكتەۋدىڭ قاجەتى جوق. ۇبت سەرتيفيكاتتارى ەلەكتروندى فورماتتا بەرىلگەن بولاتىن.

كونكۋرس ناتيجەسى بويىنشا مەملەكەتتىك گرانتتىڭ بەرىلگەنى تۋرالى ەلەكتروندى سەرتيفيكات ۇسىنىلادى. تالاپكەرلەرگە قاعاز سەرتيفيكاتتى الۋ ءۇشىن ەشقايدا بارۋدىڭ قاجەتى جوق.

گرانت تاعايىنداۋ فورماتى وزگەرگەن جوق، ياعني ماۋسىم ايىندا وتكەن ۇبت قورىتىندىسى بويىنشا ۇمىتكەرلەر مەملەكەتتىك ءبىلىم گرانتىن تاعايىنداۋ كونكۋرسىنا قاتىسادى. بيىلعى وزگەشەلىك – گرانتتار وقۋ تىلىنە بايلانىستى بولمايدى.

جوعارى وقۋ ورىندارى تالاپكەرلەردى تامىزدىڭ 10-25 ارالىعىندا وقۋعا قابىلدايدى.

ەسكە سالا كەتەيىك، قر ءبىلىم جانە عىلىم ءمينيسترى بۇگىنگى ونلاين بريفينگتە جاڭا وقۋ جىلىندا كوللەدج، جوو ستۋدەنتتەرىنە ءبىلىم قاشىقتان بەرىلەتىنىن مالىمدەدى. ءمينيستردىڭ ايتۋىنشا، ءداستۇرلى فورمات جەكە كەستە بويىنشا زەرتحانالىق جۇمىستار، وندىرىستىك وقىتۋ جانە كاسىبي پراكتيكا ءۇشىن وتكىزىلەدى.

 

سوڭعى جاڭالىقتار