14 شىلدە, 20:49 3562 0 اتاجۇرت باقىتبەك قادىر

رەسەي مەن موڭعولياداعى قانداستار كومەك قولىن سوزدى

رەسەي مەن موڭعولياداعى قانداستار قازاقستانداعى جاعدايعا بايلانىستى گۋمانيتارلىق كومەك كورسەتۋدە.

رەسەيدىڭ تۇمەن ايماعىنداعى قازاقتاردىڭ ۇلتتىق جانە مادەني ورتالىعى قازاقستانداعى كوروناۆيرۋس پاندەمياسىنىڭ ەكىنشى تولقىنىنان زارداپ شەككەن اعايىنعا قولداۋ ماقساتىندا قايىرىمدىلىق اكتسياسى ۇيىمداستىرىلدى.

ەستەرىڭىزگە سالا كەتەيىك، 6 شىلدەدە قازاقستانعا ءبىر توپ رەسەيلىك دارىگەر كەلىپ، دارىگەرلىك كومەك كورسەتكەن بولاتىن. ال 8 شىلدەدە رەسەي تجم ارنايى باسقارماسى قازاقستاندىقتارعا گۋمانيتارلىق ءدارى-دارمەك جانە مەديتسينالىق بۇيىمدار، جەكە قورعانىس قۇرالدارى جەتكىزدى.

«تۇمەن ايماعىنداعى بارلىق ۇلت وكىلدەرى، سونىڭ ىشىندە بيزنەسمەندەر كوپتەپ اتسالىستى. رەسەي ەلى ىرگەلەس وتىرعان تاتۋ كورشىلەس ەل قازاقستانعا كومەكتەسۋگە، ادامداردىڭ اماندىعىن ساقتاۋعا ءوز ۇلەستەرىن قوسامىز دەگەن شەشىم قابىلدادى. ءبىز قاراجات جيناي باستادىق، سونىمەن بىرگە مەديتسينالىق ماسكالار، ءبىر رەت قولدانىلاتىن قولعاپتار جانە باسقا قورعانىس قۇرالدارىن ساتىپ الدىق. جاقىن دوستارىمىز بەن كورشىلەرىمىزگە كومەكتەسۋ – ادامدىق بورىش»، – دەدى تۇمەن ايماعىنداعى قازاقتارىنىڭ ۇلتتىق مادەني ورتالىعىنىڭ توراعاسى ەسەنعالي يبراەۆ.

تۇمەن تۇرعىندارى قازىردىڭ وزىندە 15 مىڭنان استام سانيتارلىق ماسكا، 5 مىڭ جۇپ قولعاپ جانە 300 ليتردەن استام دەزينفەكتسيالىق زاتتار جيناعان. كەلەسى اپتادا ماڭىزدى جۇك سولتۇستىك قازاقستان وبلىسىنا جىبەرىلەدى.

سونىمەن قاتار،  موڭعوليانىڭ باي-ولكە ايماعىنداعى قانداستار اراسىندا دا «قازاقستانعا كومەك «سەتگەلين دەم» ايان» (رۋحاني دەم) اتتى گۋمانيتارلىق اكتسيا ۇيىمداستىرىلۋدا.

– الەمدى جاۋلاعان COVID-19 بارشا ادامزاتقا ورتاق ءتىلسىز جاۋ. مۇنىنمەن الەم ەلدەرى بولىپ، بىرگە كۇرەسۋىمىز قاجەت. قازىر قازاقستانداعى جاعدايعا موڭعوليالىقتاردا دا الاڭداۋلى. ءبىرىنشى ەكى ەلارالىق ديپوماتيالىق دوستىق قارىم-قاتىناستاعى ەلدەردەر رەتىندە، كيىز تۋرلىق ۇلتتىق مادەنيەتەرى ۇقساس حالىق رەتىندە دە قازاق ەلىندەگى كەلەڭسىز جاعدايعا بەي-جاي قارامايمىز. ەكىنشىدەن، قارعا تامىرلى قازاق بولعاندىقتان قازاقستاندا كوپتەگەن اعايىن-تۋىسىمىز ءومىر ءسۇىرىپ جاتىر. ۇشىنشىدەن، كەزىندە باي-ولكەدەگى سۋ اپاتى كەزىندە دە قازاقستان ءوز كومەگىن اياعان جوق بولاتىن. «جاقسىلىققا - جاقسىلىق پارىز ءىس» دەيتىن حالىقپىز. سوندىقتان ءبىز  قايرىمدىلىق اكتسياسىن ۇيىمداستىرىپ جاتىرمىز. بۇل شارانى باي-ولكە قالالىق 6-مەكتەپ مۇعالىمدارى گۇلجاۋھار سوۆەتقىزى، دارگەرحان اياتحانقىزى جانە ستۋدەنت سەرىكجان ساۋەيۇلى باستاعان بولاتىنبىز. قازىر بۇل ىسكە موڭعوليا پرەزيدەنتىنىڭ كەڭەسشىسى جاندوس ءشارىپ، باي-ولكە ايماقتىڭ حالىق پارتياسىنىڭ باسشىسىنىڭ ورىنباسارى اسقار شايماردانۇلى، ايەلدەر ۇيىمىنىڭ ءتورايىمى نۇرگۇل قاجىمۇراتقىزى جانە  اسقار وسكەرحان باستاعان بيزنەسمەندەر دە اتسالىسۋدا.

ءبىز جينالعان كومەكتى تامىز ايىندا قازاقستانعا جەكىزۋدى جوسپارلاپ وتىرمىز. ازىرگە وسىنداي، اكتسيا بارىسىن الدا تاعى دا بايانداي جاتارمىز، –دەيدى اكتسيانى ۇيىمداستىرۋشىلاردىڭ ءبىرى، مۇعالىم ايسارا سەمەيباي.

باقىتبەك قادىر

ەۆگەني بابەنكو

 

سوڭعى جاڭالىقتار