14 شىلدە, 18:57 470 0 الەۋمەت انار لەپەسوۆا

قازاقستاندا ىندەت سالدارىنان قانشا ادام جۇمىسسىز قالدى؟

قازاقستاندا جۇمىسسىزدىق دەڭگەيى ءساۋىر ايىندا شارىقتاۋ شەگىنە جەتكەن. سول ايدا رەسپۋبليكادا 4 ملن 200 مىڭ ادام جۇمىسسىز قالعان. بۇل تۋرالى ونلاين بيريفينگتە ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ءمالىم ەتتى.  

«جۇمىسسىزدىق دەڭگەيىن 1 ملن 145 مىڭ ادام دەڭگەيىندە باعالادىق. ماۋسىمدا ءبىرشاما ەركىندىك بولىپ، جۇمىسسىزدار سانى شامامەن 735 مىڭ ادامعا دەيىن تومەندەدى. شىلدەدە شەكتەۋ شارالارى كۇشەيتىلدى. شامامەن 1 ميلليونعا جۋىق ادام جۇمىسسىز قالار دەپ ويلادىق. قازىر كارانتين جالعاسۋدا جانە ايدىڭ سوڭىندا باعا بەرەمىز»، –  دەدى مينيستر.

ب.نۇرىمبەتوۆ ۇلتتىق ەكونوميكا مينيسترلىگىنىڭ ستاتيستيكا كوميتەتى رەسمي دەرەكتەردى ءالى جاريالاماعانىن اتاپ ءوتتى. ەكىنشى توقساننىڭ مالىمەتتەرى 12 تامىزعا قاراي دايىن بولادى. سوندىقتان ۆەدومستۆو ازىرگە جۇمىسپەن قامتۋ ورتالىقتارىنا تىركەلگەندەر سانىن ەسەپكە الا وتىرىپ جۇمىسسىزدىق دەڭگەيىن باعالاپ وتىر.

ايتا كەتەيىك، بۇعان دەيىن ەڭبەك جانە حالىقتى الەۋمەتتىك قورعاۋ ءمينيسترى 42 500 تەڭگە الەۋمەتتىك تولەمدى تاعايىنداۋ جۇمىستارى قاشان باستالاتىنىن مالىمدەگەن.

ءبىرجان نۇرىمبەتوۆتىڭ ايتۋىنشا، تابىسىنان ايرىلعاندار ازاماتتارعا الەۋمەتتىك تولەمگە ءوتىنىش بەرۋ ءۇشىن بىرىڭعاي جيىنتىق تولەمدى تولەۋدىڭ قاجەتى جوق.

سوڭعى جاڭالىقتار