14 شىلدە, 16:40 603 0 الەۋمەت انار لەپەسوۆا

42 500 تەڭگە: ءوتىنىش بەرۋ ءۇشىن بىرىڭعاي جيىنتىق تولەمدى تولەۋ قاجەت پە؟

 42 500 تەڭگە الەۋمەتتىك تولەمگە ءوتىنىش بەرۋ ءۇشىن تابىسىنان ايرىلعان ازاماتتارعا بىرىڭعاي جيىنتىق تولەمدى تولەۋدىڭ قاجەتى جوق. بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ايتتى.

"ساۋىردەن باستاپ ءبىراز مەكەمە، ءبىراز سالا جۇمىسشىلار ءۇشىن مىندەتتى زەينەتاقى جارنالارىن نەمەسە الەۋمەتتىك جارنالاردى تولەۋدەن بوساتىلدى. سوندىقتان بۇگىن اتالعان جارنالار ارقىلى قاداعالاۋ مۇمكىندىگىمىز شەكتەلگەن. وسىعان بايلانىستى جالدامالى جۇمىسشىلارعا قاتىستى وسى جولى زەينەتاقى جارناماسى، الەۋمەتتىك جارناسى تولەنگەنى تۋرالى تالاپ قويمايمىز. وتكەن جولى 12 ايدا كەمىندە ءبىر تولەم بولۋى كەرەك دەگەن تالاپ بولعان. بۇل جولى ونىڭ ەش ءمانى جوق", – دەدى نۇرىمبەتوۆ ونلاين بريفينگتە.

ۆەدومستۆو باسشىسىنىڭ ايتۋىنشا، بۇعان دەيىنگى 42 500 تەڭگە تولەۋ تاجىريبەسى بويىنشا جالدامالى جۇمىسشىلار ءۇشىن ءوتىنىشتى تەك ونىڭ جۇمىس بەرۋشىسى عانا بەرە الادى.

«جۇمىس بەرۋشى قىزمەتكەرىن اقىسىز دەمالىسقا جىبەرگەنىن راستاپ، ءوزىنىڭ جۇمىسشىلارىنىڭ اتىنان تاپسىرىس بەرەدى. ول ءۇشىن الداعى 1-2 كۇندە پورتالىمىزدا جۇمىس بەرۋشىلەرگە قىزمەتكەرلەرىنىڭ ءتىزىمىن، وعان قاتىستى مالىمەتتەردى ەنگىزۋى ءۇشىن وتە ىڭعايلى سەرۆيس جاسايمىز. ءوز كەزەگىندە جۇمىسشىلار جۇمىس بەرۋشىسىنىڭ ءوتىنىش بەرمەگەنىن، ءوتىنىشىنىڭ قاناعاتتاندىرىلعانىن انىقتاۋعا ارنالعان سەرۆيس قىزمەتىنە جۇگىنە الادى»، - دەپ ءتۇسىندىردى مينيستر.

ايتا كەتەيىك، بۇعان دەيىن ءبىرجان نۇرىمبەتوۆ 42 500 تەڭگە الەۋمەتتىك تولەمدى تاعايىنداۋ جۇمىستارى قاشان باستالاتىنىن ايتقان بولاتىن.

 

سوڭعى جاڭالىقتار