14 شىلدە, 14:05 368 0 جاڭالىقتار اسىل تۇمار

اشم تاماق جانە وڭدەۋ ونەركاسىبى كوميتەتىن قۇرۋدى ۇسىندى

اۋىل شارۋاشىلىعى ءمينيسترى ساپارحان وماروۆ ۇكىمەتكە ءوز ۆەدومستۆوسىنا قاراستى تاماق جانە وڭدەۋ ونەركاسىبى كوميتەتىن قۇرۋدى ۇسىندى، – دەپ جازدى قازاقپارات.

«اگروونەركاسىپتىك كەشەننىڭ ەكسپورتتىق الەۋەتىن ىسكە اسىرۋعا قاتىستى سىرتقى نارىقتاردىڭ كونيۋنكتۋراسى زەرتتەلەدى. كولىك شىعىندارىن سۋبسيديالاۋمەن قاتار، ەكسپورتتىق ءونىمدى سەرتيفيكاتتاۋعا جۇمسالعان شىعىنعا وتەماقىنى ەنگىزۋ، سونداي-اق وتاندىق اۋىل شارۋاشىلىعى ءونىمىن جىلجىتۋدىڭ جاڭا ءتيىمدى ماركەتينگتىك قۇرالدارىن ەنگىزۋ ماسەلەسى پىسىقتالادى. يمپورتتاۋشى ەلدەردىڭ نارىقتارىنا ەگجەي-تەگجەيلى شولۋ جاساي وتىرىپ، «ەكسپورتتىق گيدتەردىڭ» ۇلگىلىك جۇيەسىن ەنگىزۋ جوسپارلانىپ وتىر»، – دەدى ساپارحان وماروۆ ۇكىمەت وتىرىسىندا.

ءمينيستردىڭ ايتۋىنشا، اۋىل شارۋاشىلىعى ءونىمىن وڭدەۋدە بىرىڭعاي ساياساتتى قالىپتاستىرۋ ءۇشىن ءتيىستى فۋنكتسيالار مەن قاجەتتى شتات سانىن بەلگىلەۋ كەرەك.

«وسى رەتتە اۋىل شارۋاشىلىعى مينيسترلىگىنىڭ قۇرامىندا تاماق جانە وڭدەۋ ونەركاسىبى كوميتەتىن قۇرۋدى ۇسىنامىز. سونداي-اق، اگروونەركاسىپتىك كەشەندى دامىتۋدىڭ كەلەسى كەزەڭگە ارنالعان جاڭا مەملەكەتتىك باعدارلاماسىنىڭ تۇجىرىمداماسىندا شيكىزات جانە وڭدەۋ سالالارىن دامىتۋ جونىندە بىرىڭعاي تاسىلدەمە كوزدەلەتىن بولادى»، – دەدى ول.

سوڭعى جاڭالىقتار